Vikan - 03.04.1980, Page 55

Páskasiðir I öðrum löndum
Páskahátíðin var mesta hátíð ársins hjá
hinni rússnesku rétttrúnaðarkirkju
(orthodox). Þeir voru að visu haldnir
nokkru seinna en hér þar sem þessi
kirkja fer eftir gregoriönsku tímatali. Á
undan föstunni fór svokölluð smjörvika,
en þá borðuðu allir rússneskar
pönnukökur. Sú vika hófst með mikilli
kjötkveðjuhátíð, svona svipað og sprengi-
dagurinn. Smjörvikan var undir-
búningur undir föstuna, þetta var mjög
lifandi hátið og einn af föstu liðunum
voru sleðaferðir. Strangtrúað fólk tók
föstuna mjög alvarlega og hungrið var
farið að sverfa að er páskamessa hófst
aðfaranótt páskasunnudagsins. Það leið
því oft yfir það áður en kom að neyslu
páskabrauðsins, en það er sérlega
ljúffengt brauð sem fólk kemur með til
messunnar. Með því er borðað paska,
búið til úr sýrðum rjóma og verður eins
og þykkt krem. Fólk kom með þetta á
diskum sem breitt var yfir með drif-
hvitum dúkum og siðan blessaði prestur-
inn brauðið áður en þess var neytt. Þessi
messa var mjög löng og svo tók önnur
messa við um miðja r.ótt og stóð til
morguns. Eftir hana hófst hin mesta
átveisla þar sem borð svignuðu undir
svínakjöti, páskabrauði, paska og
eggjum. Þessi egg voru einlit og er t.d.
hægt að lita þau með því að sjóða með
þeim laukhýði. Þau verða þá fallega
gullinbrún að lit. Eftir veisluna kysstu
Rússneskt pAskabraufl.
Sungið og dansað
á götunum
Vikan spjal/ar við Lenu Bergmann meinatækni um
páskahald í Sovétríkjunum.
Lena Bergmann:
Fjör í Rússlandi ð páskadag.
allir alla í tilefni upprisunnar og mátti
alls ekki fara í manngreinarálit með
kossana heldur urðu allir að fá sitt,
hvort sem það var skítugur og tötralegur
betlari eða fögur yngismær. Síðan tóku
við heimsóknir til vinafólks og dans-
leikir.
Einnig var farið í leiki og ég man t.d.
eftir tveimur: Búinn er til bolti úr
mjúkum tuskum, eggjunum raðað á
borð og síðan á að hitta eggin með bolt-
anum. Takist það er eggið eign þess sem
hittir. Hinn var þannig að tveir börðu
saman eggjum sínum og fékk eigandi
heila eggsins í kaupbæti það sem
brotnaði við höggið. 1 báðum leikjum
var auðvitað um harðsoðin egg að ræða.
Súkkulaðiegg eins og þið gefið á
páskunum hafa aldrei tíðkast í
Rússlandi. Hins vegar tíðkaðist fyrir
byltingu að þeir sem auðugir voru gæfu
egg í formi skartgripa. Ég sá einu sinni
slík egg á sýningu í Boston. Þau höfðu
verið í eign síðustu keisarafjölskyldunnar
og voru gerð af frönskum listagullsmið
sem settist að i Rússlandi. Þetta voru
forkunnarfagrir gripir, úr skíragulli og
settir eðalsteinum.
En þetta var sem sagt í gamla daga.
Síðan hefur margt breyst og fátt eftir af
strangtrúuðu fólki. Páskamessur eru þó
enn haldnar í orthodoxkirkjunum og
njóta mikilla vinsælda vegna þess að
þær eru svo skrautlegar og hátíðlegar.