Vikan - 03.04.1980, Blaðsíða 42

Freus-Figueretes
Mjög vel staðsett lítið íbúðarhús, ca 500 m frá Lido.
íbúðirnar eru innréttaðar í Ibizastíl.
Skammt er í verslanir, matsölustaði og á ströndina.
Lido-Figueretes
Glæsileg ibúðablokk í um það bil 2 km fjarlægð frá
miðborg Ibiza. Húsið er nýlegt og er staðsett við
strönd. íbúðirnar skiptast í: stofu, svefnherbergi, bað,
eldhús og svalir. Í Lido er gestamóttaka, matsalur,
vínstúka, verslanir og leikaðstaða fyrir börn er á
ströndinni. Einnig er stór og góð sundlaug með
afmarkaðri barnalaug. Stuttur gangur er út á lengstu
ströndina á eynni Playa de’n Bossa 4 km löng. Þar eru
bátaleigur, siglingaskólar, stökkbretti (trambolin),
sjóskíðaleigur, barir o.fl.
Penta Club
Er staðsett 4 km frá San Antonio öðrum stærsta
bænum á eynni. Þessi sérstaki staður er réttnefndur
ferðabær (staður allsnægtanna). Þar er fyrir hendi allt
sem ferðamaðurinn óskar. Til dæmis: fallegt umhverfi,
3 sundlaugar, barnaleikvöllur, tennisvellir, hestaleiga,
borðtennis, fönduraðstaða, mini golf, vinstúkur,
cafetería, matsölustaðir, verslanir, diskótek,
hárgreiðsluþjónusta, læknishjálp og fleira. Öll gisting
er í íbúðum allt frá „studio” upp í 3ja herbergja hús
með stórri stofu og góðu eldhúsi. Um 5 mínútna
gangur er niður á ströndina í tvær litlar og notalegar
sandvíkur. Penta Club er tilvalinn staður fyrir barna-
fólk og þá sem kunna að meta það að hafa ávallt
eitthvað fyrir stafni, jafnhliða því að njóta hvíldar í
sérlega fögru og skemmtilegu umhverfi.
Athugið:
Öll verð eru áætluð miðað við verðlag þann 1. mars
1980 og breytast í samræmi við þær verðbreytingar,
sem kunna að verða á seldri þjónustu, til brottfarar-
dags, hvort sem verðbreyting stafar af breytingum á
fargjöldum, eldsneytishækkun, gengi ísk krónunnar,
eða þeirrar þjónustu sem innifalin er í áætluðu verði
ferðarinnar.
Sértilboð vikuferðir
Vikuferðir til Mallorca og Ibiza verða á boðstólum í
sumar. Verð frá kr. 150.000. — Aðeins er hægt að
bóka slíkar ferðir með vikufyrirvara og farþegar munu
gista í þeirri íbúðargistingu, sem völ er á við brottför.