Vikan - 06.11.1980, Blaðsíða 41

Eln Qöhnargra taikninga í kynningabœklingnum. Þstta hús er 157 fermatrar brúttó.
Skammur byggingartími er
það atriði sem Samtak leggur
áherslu á öðru fremur.
Kostnaður í verðbólguþjóðfélagi
hlýtur líka að verða minni ef
hægt er að reisa hús á
skömmum tíma. Afgreiðslu-
frestur er 3-4 mánuðir og á þeim
tíma veitir ekki af að huga að
því venjulega, LÓÐ —
LÁNUM - GRUNNI -
SÖKKLUM OG PLÖTU. Sá
undirbúningur fellur að sjálf-
sögðu í hlut húsbyggjenda. Síð-
an koma menn frá Samtaki og
reisa húsið á því byggingarstigi
sem kaupandi kýs að fá húsið á.
Húsin eru afhent á eftirtöldum
byggingarstigum:
A. Utveggjaeiningar
fullbúnar að utan, með gleri,
opnanlegum gluggum, úti-
hurðum og fullfrágengnu þaki.
Óeinangruð og ekki klædd að
innan.
B. Otveggjaeiningar klæddar
að innan, einangraðar með 5
tommu glerull. Loftklæðning og
6 tommu einangrun í loft.
C. Milliveggir uppsettir og
klæddir.
Síðan er hægt að hagræða
teikningum og fá húsin afhent á
öðrum byggingarstigum ef
óskað er. Allt slíkt hlýtur að
vera samkomulagsatriði við
Samtak á Selfossi.
Hús sem er 84 fermetrar
brúttó kostar frá 11.3 milljónum
á fyrsta stiginu og
upp í 16.8 milljónir á síðasta
stigi. Vinkilhús, 135 brúttófer-
metrar, kostar 20.6-30.3 milljón-
ir. Vinkilhús, 155 fermetrar
brúttó, eru frá 23.7 milljónum
til 34.9.
Greiðslukjör eru 30% við
undirskrift, 40% fyrir afhend-
ingu og afgangur miðað við
afhendingu fyrsta hluta
húsnæðismálastjórnarláns.
Aðrir greiðsluskilmálar eru
samningsatriði. í verði er
söluskattur og uppsetning inni-
falin.
Raflögn, hitalögn, frágangur
gólfa og timburklæðning á þak
er undanskilið í kostnaði. Ferðir
og uppihald starfsmanna við
uppsetningu greiðir kaupandi
sér, svo og teikningar.
Samtak bendir á að þar sem
skortur er á iðnaðarmönnum,
eins og víða úti á landi, sé ómet-
anlegt hagræði að þessum
byggingarmáta svo ekki sé talað
um verðmuninn.
Það er athyglisvert að fyrir-
tækin sem framleiða einingahús
úr timbri eru flest starfandi utan
Reykjavíkur. Hverju sveitar-
félagi hlýtur að vera akkur í að
starfsemi af þessu tagi blómgist í
byggðinni. Ekki verður annað
sagt um Selfoss en að þar sé
góður jafðvegur fyrir eininga-
húsaframleiðslu.
Katla Leósdóttir hjá Samtaki
tók fram að alltaf væri verið að
fylgjast með nýjum hugmynd-
um um framleiðslu einingahúsa
og athuga þær sem mestur áhugi
virðist vera á. Óðalshúsin, eins
og það sem hér er sýnt á mynd,
er sú gerðin sem vinsælust hefur
verið til þessa. Tuttugu
Óðalshús eru risin, þeirra á
meðal það sem hér er sýnt á
mynd. Viðar Ólsen á að sjálf-
sögðu heiðurinn af teikning-
unni.
Svo eru auðvitað nýjungar á
döfinni og þeir sem hafa áhuga
á frekari upplýsingum um
einingahúsin frá Samtaki ættu
auðvitað að hafa beint samband
við Selfoss. Þar er upplýsingar
að hafa og bæklingur með
upplýsingum að sjálfsögðu
sendur hvert á land sem er. Hver
veit nema næsta sending geti
orðið hús? aób
45. tbl. Vikan 49