Vikan - 03.06.1982, Page 29

Erlent
Simone Veil
— einn vinsælasti
stjórnmálamaður Frakka
Simone Veil var fyrsti forseti
Evrópuþingsins og gegndi því
starfi þar til í janúar síðastliön-
um. Hún er fyrrum heilbrigðis-
málaráðherra í stjórn Giscard
d’Estaing og sagt er að hann hafi
ætlað henni forsætisráöherrastól-
inn í ríkisstjórninni hefði hann
haldið velli í síðustu kosningum.
Hún hefur þó aldrei verið félagi í
stjórnmálaflokki en er venjulega
stimpluð „frjálslynd”. í ráðherra-
tíð sinni kom Simone Veil til leiðar
stórmerkilegum en umdeildum
lagfæringum á lögum um frjóvg-
unarvarnir og fóstureyðingar. I
hinu kaþólska landi mætti frum-
varpiö gífurlegri andstööu heit-
trúaðra kaþólikka og hægrisinna.
Hún fékk mörg svívirðileg
hótunarbréf í pósti og þegar hún
settist á Evrópuþingið var víða
krotað á veggi í námunda við þing-
staðinn: Simone Veil — fóstur-
morðingi. En hún kippir sér ekki
upp við svona nokkuð. Hún hefur á
starfsferli sínum kynnst fátækt og
eymd í frönskum borgum og þeim
hörmulegu afleiðingum sem ólög-
legar fóstureyðingar og óvel-
komin böm höfðu í för með sér.
Hún hefur einnig haft forgöngu
um úrbætur í málum fatlaðra og
geðsjúkra og einnig í barna-
verndarmálum og ættleiðingar-
löggjöf.
Simone Veil er glæsileg kona og
klæðist jafnan Chanel-fötum. En
glæsifatnaðurinn leynir ekki járn-
viljanum og sterkum persónuleik-
Konur í frönskum stjórnmálum
klœðast gla'sifatnaði frá frönskum
tiskuhúsum. Hér sjást þa r Sinwne
Veil (t.h.) og frú Pompidou (t.v.),
báðar í fötum frá Chanel.
anum sem býr í henni. Ef hún
brettir upp ermina á silkiblúss-
unni má sjá brennimarkið innan á
framhandleggnum, brennimarkið
sem hún fékk í Auschwitz-búðun-
um í stríðinu.
Simone Veil er af gyöinga-
ættum. Faðir hennar var vel
efnaður arkitekt. Sautján ára var
hún send til Auschwitz ásamt 76 þús-
und öðrum gyðingum, þar á meðal
öðrum í fjölskyldu hennar. I út-
rýmingarbúðunum dó öll fjölskyldan
nema hún. Aðeins 2500 gyðingar lifðu
helraunina af. Þessi lífsreynsla hefur
ekki aöeins hert hana heldur og gert
hana hvassa og harðfylgna. Þegar
þættimir Holocaust (Helförin) voru
sýndir í sjónvarpinu tók Simone Veil
þátt í umræðu um áreiðanleik þátt-
anna í sjónvarpi. Hún lýsti því yfir að
i atriðunum í útrýmingarbúðunum
væru fangamir sýndir allt of siðaðir
og óeigingjamir gagnvart hverjir
öðrum, til þess að halda lífi urðu
jafnvel þeir elskulegustu að haga sér
eins og dýr og þola mikla niöurlæg-
ingu.
Þegar hún var látin laus eftir
þrettán mánaða fangavist hélt
hún áfram námi. Hún lærði lög og
varð lögfræðingur en nam einnig
stjómmálafræði. Hún fékk stöðu
við dómsmálaráðuneytiö og vann
þar í mörg ár. Simone Veil varð
ráðherra án þess að eiga sæti á
þingi eða vera fulltrúi ákveðins
stjórnmálaflokks en slíkt er ekki
óalgengt í Frakklandi. Á meöan
hún sat í ríkisstjórn var hún æ
ofan í æ kosin vinsælasti stjórn-
málamaöur í F'rakklandi. Hún
vann hug og hjarta margra þegar
hún sýndi fordæmi í reykinga-
varnaherferð og lýsti því opinber-
lega hve illa henni hefði alltaf
gengið að hætta að reykja.
Simone Veil ásamt eiginmanni og sgni.
Eins og að líkum lætur er
Simone Veil mikill baráttumaður
fyrir jafnrétti kynjanna. En hún
hefur samt sem áður áhyggjur af
þróuninni. Henni finnst sem konur
hafi verið um of hvattar til þess
aö öðlast sjálfstæði og frelsi í
kynferðismálum án þess að brýnt
væri fyrir þeim að taka afleiðing-
unum. Eins og ástatt er í Frakk-
landi hafa margar konur ekki
fjárhagslegt bolmagn né félags-
legt sjálfstæði til þess að standa á
eigin fótum. Því er mikilvægt aö
byrja á réttum enda.
Sjálf hefur Simone Veil notið
þess að eiga góða og trausta fjöl-
skyldu og komast langt á frama-
brautinni. Hún er gift Antoine Veil
lögfræðingi en hann liföi líka af
vist í Auschwitz sem unglingur.
Þau búa í sjöunda hverfi í París
þar sem margir stjórnmálamenn
og stjórnarerindrekar búa í virðu-
legum byggingum. Hún reynir að
vera með eiginmanni, börnum og
barnabörnum að minnsta kosti
einn dag í viku hverri. A sunnu-
dögum eldar hún matinn og sést
stundum versla á markaðstorginu
eins og venjuleg frönsk húsmóðir.
Simone Veil var eitt sinn spurð
hvort vistin í fangabúðunum hefði
haft varanleg áhrif á líf hennar.
„Hún svipti mig öllum blekk-
ingum og kenndi mér aö leggja
ekki of mikið upp úr smáatriðum
og að greina á milli þess sem
skiptir máli og þess sem ekki
skiptir máli.” F'yrir þann sem
misst hefur alla ættingja sína í
helförinni er fjölskyldan mikils
virði. Simone Veil hefur barist
fyrir bættum kjörum fjölskyld-
unnar meö því að styrkja stöðu
kvenna í samfélaginu. m
Simone Veil.
22. ,ul. Vikan 29