Vikan - 20.12.1984, Qupperneq 51

Álfheiður Steinþórsdóttir Guðfinna Eydal
sálfræðingur sálfræðingur
Nú er komið að lokum, að sinni að minnsta
kosti. Eins og þær stöllur, Guðfinna Eydal og
Áifheiður Steinþórsdóttir, rekja annars
staðar hér á opnunni /eggjast sáifræði-
þættir þeirra af nú um komandi áramót.
Um leið og Vikan þakkar ánægjulegt
samstarf í rífíega sex ár óskar hún þeim
stöllum velfarnaðar í sinni nýju stofnun,
Sálfræðistöðinni.
Bestu þakkir, Guðfinna og Álfheiður.
I könnun Hagvangs kom í ljós að 84% karla
og 64% kvenna voru í starfi utan heimilis.
Þannig má sjá aö mikill meirihluti fólks eyðir
miklum hluta af lífi sínu utan heimilis — í
vinnu. I könnuninni kom einnig fram að Is-
lendingar leggja mikla áherslu á vinnusemi
og er metnaöur í starfi þeim ofarlega í huga.
Er hægt að greina starfshæfi-
leika fólks?
Hvort sem fólk vill bæta samskipti á vinnu-
stað, leysa ný verkefni eða skipuleggja eigin
starfsferil þá vakna ótal spurningar sem
mikilvægt er að svara. Spurningar eins og:
„Hvernig stend ég í samanburði viö aöra?”
„Hef ég nauðsynlega stjórnunarhæfileika
fyrir þetta starf?” „Hverjar erumínar sterku
og veiku hliðar?” og svo framvegis. A
undanförnum árum hefur veriö gert mikið
átak víða erlendis til að hjálpa fólki við að fá
svar við þessum þáttum og meta hvar það
stendur þegar vinnan er annars vegar.
Nýtt hjálpartæki,
PRÓFÍL—PRÓFID
Um leið og við kveðjum lesendur Vikunnar,
sem hafa lesiö greinar okkar um eðlilega og
afbrigöilega sálfræði barna og fullorðinna,
langar okkur að kynna fyrir þeim svokallað
prófíl-próf. En þetta er í fyrsta skipti sem
prófiö er kynnt í grein hér á landi.
Eftir undirbúningsvinnu og samstarf við
erlenda aðila höfum við fengiö gagnlegt
hjálpartæki í sambandi við starfshæfni og
samskiptaleikni. Prófíl-prófið er um viðbrögð
og afstöðu einstaklingsins í starfi.
En hvaða spurningum getur prófíl-prófið
svarað?
Sem dæmi má nefna:
— hvort einstaklingurinn er virkur, kraft-
mikill og hefur úthald við lausn verkefna.
— hvort hann hefur hæfileika til að taka
frumkvæði viö lausn verkefna og fá nýjar
hugmyndir,
— hvort hann hefur sjálfsaga í ríkum mæli og
hæfileika til aö vinna kerfisbundið að lausn
verkefna,
— hvernig innra öryggi og sjálfstrausti er
háttað,
— hæfileikann til að taka ábyrgð og stjórna,
persónulegan stjórnunarstíl viökomandi ein-
staklings,
— skilning og hæfileika til aö setja sig í spor
annarra,
— streituþol og jafnvægi í starfi og svo
framvegis.
Þegar gerður er prófíll—línurit — fyrir hvem
einstakling má sjá yfirlit yfir þá eiginleika
sem hann gæti nýtt sér og hverjir eru honum
hindrun í samstarfi viö aöra. Með slíkt vega-
nesti er auðveldara að fara inn á nýjar
brautir, ákveða starfsvettvang eða, fyrir yfir-
menn, að ráða starfsmenn í mikilvæg störf.
Með þessum lokaorðum kveðjum við og
óskum öllum lesendum Vikunnar góðs gengis
á nýjuári.
45. tbl. Vikan 51