Vikan - 23.05.1985, Page 7

Umsjón:
Borghildur Anna
Það verður að segjast eins og er —
þegar talað er um tísku er yfirleitt átt við
eitthvað sem kvenpeningnum viðkemur.
Því er það hvalreki þegar á fjörurnar rekur
slíkt viðkomandi hinu kyninu — enda erfitt
fyrir þá síðarnefndu að vita hvernig útlitið
eigi helst að vera ef ekkert er birt þeim til
hjálpar. Þeir gætu þurft að mynda sér
eigin sjálfstæða skoðun um það —
kannski með hörmulegum afleiðingum.
Nóg um það — hérna er einmitt fyrir-
myndarútlit karlmanna frá hendi þess
ítalska Gianni Versace. Þetta er haust og
vetur '85 og sem sjá má eiga menn að
klæðast ullarefnum og leðri — rakstur er
bannaður nema kannski fyrir þá allra
yngstu.
Buxurnar eiga að vera víðar að ofan —
úr ullarefni — og ennþá eru jakkarnir lausir
og herðamiklir. Frakkar skulu svo vera
nokkrum númerum of stórir og fötin eiga
hvergi að falla að líkamanum. Umfram allt
skal þess gætt að allt virðist vandað,
efnismikið og úr náttúruefnum — næstum
þungur svipur á köflum. Þannig að þeir
íslensku karlmenn sem fylgjast vilja með
verða að byrja á því að vappa út í tunnu
með gömlu, góðu og þröngu terylenebux-
urnar og láta síðan polyesterskyrtuna og
dralonpeysuna fjúka fast á eftir!
Zl.tbl. ViKan 7