Vikan - 24.03.1988, Page 25

MEGRUNARKÚR
Losið ykkur við
5 kíló á 7 dögum
Ætlið þið út að skemmta ykkur? Eru fötin í
þrengra lagi? Viljið þið losna við 3—5 kíló á
einni viku? Þetta getið þið gert ef þið notfærið
ykkur þennan fljótvirka megrunarkúr.
Þið veljið úr eftirfarandi uppskriftum það sem
þið hafið mestan áhuga á og það sem ykkur
hentar fjárhagslega séð.
Þessi 3—5 kíló sem þið hafið bætt á ykkur
síðustu 3 eða 5 mánuði skipta ekki svo miklu
máli, þið losið ykkur við þau á einni viku ef
þið eruð viljasterk. Þessi kúr er nokkuð
áhrifaríkur.
Vigtið ykkur í dag og byrjið kúrinn. Vigtið
ykkur svo aftur eftir viku og þið komist að
raun um að þið hafið losnað við 3—5 kíló og
fötin þrengja ekki að ykkur eins og áður.
Hann er góður þessi megrunarkúr og þið sjáið
árangurinn þegar fyrsta vikan er liðin. Þá er
ekki ráðlagt að byrja aftur á fyrri matarvenjum
því þá bætast þessi kíló sem þið hafið losnað
við fljótt á ykkur aftur. Breytið smátt og smátt
matarvenjum ykkar svo að þið verðið með
tímanum ein af þessum mörgu sem ekki þurfa
að fara í megrunarkúr tvisvar á ári.
Þegar þið hafið náð réttri þyngd og getið
haldið ykkur við hana í eitt ár þá ættuð þið
ekki að þurfa að hugsa svo mikið um hvað þið
borðið eða drekkið upp frá því.
„Þið ættuð ekki að borða neina fitu,“ stendur í
þriðju Mósesbók. Það má taka sem kveðju frá
fyrsta megrunarsérfræðingi heimsins.
— Gangi ykkur vel.
VIKAN 25