Vikan - 15.12.1988, Qupperneq 57
RAUPAÐ OG RISSAÐ
Sitt lítið af hverju
Um nýja forystu Sjálfstœðisflokksins, ráðhúsbyggingu
og refarœkt og afskiptasemi norðaustanmanns
Fyrir nokkru var um það raupað hér í
Vikunni hvaða einkunnir Jón Baldvin gaf
meðráðherrum sínum í frægu Alþýðu-
blaðsviðtali. Ekki er meiningin að tíunda
þær einkunnir frekar, en nokkrir hafa get-
ið þess í viðtölum við rauparann, að
teikningin af Jóni Baldvin hafi ekki verið
nógu góð og fylgir því önnur teikning og
nýrri þessu raupi.
Mjólkurdrykkja
í fyrrnefndu raupi var að sjálfsögðu
teikning af Jóni Helgasyni fyrrum land-
búnaðarráðherra, þar sem hann stóð á
stalli með mjólkurbrúsann sinn. Sumum
þótti ráðherrann heldur sviplaus á teikn-
ingunni þeirri arna og skal því reynt að
bæta úr því með nýrri teikningu. Jón er
afar sléttur og felldur persónuleiki og
sagði Jón Baldvin að útlit nafna síns staf-
aði af mikilli mjólkurdrykkju.
Ný forysta
Það hefur verið mikið um það rætt að
undanförnu að Sjálfstæðisflokkurinn
þarfnaðist nýrrar forystu. Núverandi for-
maður þykir fremur sviplítill og lítt til for-
ystunnar fallinn. Að sjálfsögðu hefur ver-
ið litið til annarra manna sem mögulega
gætu tekið að sér forystuna í sundurleit-
um flokki. Það er ekki óeðlilegt að augu
manna skuli beinast að Davíð borgar-
stjóra Oddssyni. Davíð hefur óneitanlega
sýnt forystuhæfileika sína í stjórnun
borgarinnar.
kvæmt þær, en það er meira en hægt er
að segja um margan stjórnmálamanninn.
Ætli Ráðhúsbyggingin sé ekki skýrasta
dæmið um staðfestu og framkvæmda-
gleði borgarstjórans? Fyrir skapfestu
borgarstjórans mun Ráðhúsið rísa í
Tjarnarhorninu, komandi kynslóðum til
ánægju og augnayndis. Og það er nán-
ast hlægilegt þegar refabóndi og laxa-
ræktari norðaustan úr landi gerir sig
breiðan í ræðustóli á sjálfu Alþingi ís-
lendinga og krefst þess að borgarstjórnin
í Reykjavík hætti við að byggja yfir sig.
Refir og laxar
Seint mundi Davíð fara að skipta sér af
því þótt bóndinn að norðaustan byggi ref-
abú fyrir börnin s(n í afdölum, eða setji á
fót laxeldisstöð í firði þar norðausturfrá.
Þó svo að Davíð vissi að fyrirtækin væru
vonlaus frá upphafi og byggð á lánum.
Davíð byggir þó húsið sitt fyrir eigið fé
borgarinnar, á eigin landi borgarinnar og
þar að auki fyrir alla borgarbúa.
En nóg um þetta. Við vorum að ræða
um Davíð sem væntanlegan forystu-
mann Sjálfstæðisflokksins. En flokkurinn
á sem betur fer fleiri hæfa menn. Raupari
hefur til dæmis alltaf haft mikið dálæti á
stjórnmálamanninum Eyjólfi Konráð.
Eykon
Hann hefur lengi verið meðal mestu at-
gervismanna flokksins, sérfræðingur í
utanríkismálum, baráttumaður fyrir al-
menningshlutfélög og sterkastur mál-
svari Islands í hafréttarmálum. Það eru
fleiri en raupari sem furða sig á því, að
Eyjólfur Konráð skuli aldrei hafa verið
valinn til forystu í Sjálfstæðisflokknum,
þó ekki væri nema fyrir þekkingu sína á
þeim greinum þjóðmála sem að framan
er getið.
P.S. Sérstæðar persónur þjóðlífsins hafa
verið teiknurum hugleiknari en aðrar. I
þeim hópi er t.a.m. nóbelsskáldið okkar.
Þess vegna Ijúkum við „Raupi og rissi"
að þessu sinni með teikningu af því.
■■■IEFTIR RAGNAR LÁR
27. TBL. 1988 VIKAN 57
L