Vikan - 19.12.1940, Blaðsíða 41

VIKAN, nr. 51, 1940
39
Selveiðin.
Skömmu eftir miðja 19. öld, bjó sá bóndi
á bæ einum í Skutulsfirði, sem Gísli
hét. Gísli var búhöldur góður og ákafa-
maður við verk. Sterkur þótti hann í betra
lagi. Á heimili Gísla var strákur nokkur,
honum vandalaus, og hafði hann verið al-
inn upp á sveit. Þótti bónda heldur lítið
til hans koma og var piltur þó ekki óröUt-
ur eftir aldri.
Um þessar mundir gekk töluvert af sel
upp í Seljalandsós og var hann veiddur í
net. Höfðu bændur þeir, sem land áttu að
ósnum, töluverð hlunnindi af þessu, og var
Gísli einn þeirra.
Það var einhverju sinni, að Gísli og
strákur sá, sem fyrr var nefndur, fóru að
draga fyrir sel í ósnum. Áður en ve'ðin
hófst, notaði Gísli tækifærið til að leggja
stráknum lífsreglurnar, því hann hafði
aldrei fengist við þennan starfa fyrri. Hót-
aði Gísli öllu illu, ef svo slysalega skyldi
vílja til, að strákur missti netið, þegar
selurinn synti í það. Aftur á móti kvað
hann nú vera tækifæri til að sýna mann-
dóm og reka af sér slyðruorð.
Hófst nú veiðin. Eftir skamma stund sáu
þeir stóran sel og girnilegan. Var hann
styggur mjög og ekki auðtekinn. Hófst
þarna hinn mesti eltingarleikur og stóð
strákur sig prýðilega. Eftir mikil umsvif
tókst að króa selinn af, svo að hann sá
sér þann kost vænstan að ráðast á netið.
Synti hann í jaðarinn, þeim megin sem
Gísli var, og kom áhlaup þetta svo snögg-
lega og óvænt, að bóndi gætti sín ekki
nógu vel. Missti hann endann á netinu og
stóð slyppur eftir, en selurinn varð frels-
inu feginn, og synti sem ákafast til sjávar.
Þegar strákur sá hrakfarir Gísla, brá
hann grönum og mælti:
„Miklar bölvaðar einspinnuloppur eru á
þér, maður!“
Lauk svo þeirri veiði.
Gils Guðmundsson.
Nicolaj Bjarnason
kaupmaður
áttatíu ára.
P inn af þekktustu borgurum Reykjavík-
urbæjar, Nicolaj Bjarnason kaupmað-
ur, verður áttræður 22. desember. Hann
er fæddur í Vestmannaeyjum og hóf þar
ungur verzlunarstörf, en árið 1879 fór
hann til Kaupmannahafnar til verzlunar-
náms og dvaldi þar í tvö ár. Haustið 1882
kom hann til Reykjavíkur og réðist þá við
Fischersverzlun og starfaði þar, þangað til
1904, að hún var seld. Á þessu tímabili
var hann verzlunarstjóri útibúsins í Kefla-
vík og síðan aðalverzlunarinnar hér í bæn-
um. Eftir það fékkst Nicolaj um tíma
sjálfur við verzlun, sá um afgreiðslu flóa-
bátsins Ingólfs, tók þátt í þilskipaútgerð
og hafði hestvagna til fólksflutninga áður
en bifreiðaferðir hófust hér. Nicolaj hefir
oft farið utan og stundum dvalið lang-
dvölum erlendis. Frá 1908 og til skamms
tíma var hann afgreiðslumaður Bergenska
gufuskipafélagsins.
Nicolaj kvæntist árið 1893 Önnu, dóttur
Þorsteins Thorsteinsson kaupmanns á ísa-
firði.
Nicolaj Bjarnason hefir alla tíð verið
mikill starfs- og dugnaoarmaður og vin-
sæll mjög meðal allra þeirra, sem hann
hefir umgengist. Myndin var tekin af hon-
um, er hann var 75 ára.
Þjóðsögur ÓSafs Davídssonar,
Grima 1.—15. hefti,
innbundið í skinn,
eru ágætar jólagjafir.
Xítgefandi: Þorst. M. Jónsson, Akureyri.
Kemisk fatahreinsun og litun.
Hafnarstrœti 5, Reykjavik, Simi 3599.
Sent um land allt gegn póstkröfu.