Vikan - 22.08.1991, Blaðsíða 16

JÓNA RÚNA KVARAN MIÐILL SVARAR BRÉFI FRÁ LESANDA
tFTIttlLKTARVIRT
DRAIIMLÍF
SVAR TIL SNÚLLA, 16 ÁRA
Elsku Jóna Rúna!
Ég verd að skrifa þérog vona svo sannarlega aðþú svarirmérsem fyrst. Éger 16 ára strákur
og er gjörsamlega að verða brjálaður vegna þess að mig dreymir svo rosalega mikið. Frá því
að ég var lítill hefur mig dreymt furðulegustu drauma og heilu næturnarnokkurn veginn stans-
laust.
Ég er elstur af fjórum systkinum og heima hjá mér er oftast allt á útopnu. Foreldrar mínir eru
ágætir en málið er að þau eru ekki mjög trúuö á dulræna hluti og finnst mér það mjög mikill
galli vegna þess að ég get eiginlega ekkert rætt við þau um þessa sérstöku drauma. Stundum
kemur þó fyrir að þau fá áhuga vegna þess að það hefur sýnt sig að draumarnir mínir gerast
næstum nákvæmlega eins og mig dreymdi þá, kannski nokkrum dögum eða vikum seinna.
Ég er þó svolitið hræddur við þetta. Fyrir þónokkru dreymdi mig að einn vinur minn hefði
lent í bilslysi og nokkrum vikum seinna gerðistþað. Hann lenti í umferðarslysi alveg á sama
stað og mig var áður búiö að dreyma. Ég fór alveg í kerfi vegna þess að ég hafði ekki sagt
vini mínum drauminn. Fannst það svo hallærislegt eða eitthvað. Svo þegar hann slasaðist
mikið i raunverulega slysinu eins og i draumnum fékk ég svo rosalega bakþanka og einhverja
óþaegilega tilfinningu innra með mér, sem reyndar er enn þá til staðar.
Ég ræddi þetta við foreldra mína en þau virðast ekki skilja hvað þetta er óþægilegt fyrir mig,
segja bara að þetta eldist örugglega af mér. Pabbi sagði að enginn gæti trúað á drauma, þeir
væru ekki tengdir raunveruleikanum. Hann hefur þó sjálfur lent í draumi hjá mér og sá draum-
ur kom fram, nákvæmlega eins og mig dreymdi hann. Mig dreymdi að hann væri á spítala og
gæti ekki gengið. Tveim mánuðum seinna lenti hann einmitt á spítala af þvi að hann gat ekki
gengið vegna baksins og það varð að skera hann upp.
Stundum er ég svo hræddur við að sofna út afþessum draumum að ég ligg andvaka heilu
næturnar. Einu sinni dreymdi mig að Jesús Kristur kom til mín, faðmaði mig að sér og setti
Ijós yfir höfuðið á mér. Ef mig dreymir langa drauma eru sumir eins og heil saga. Stundum
finnst mér líka í draumi að ég sé þar sem þeir dánu eru. Það er örugglega rétt hjá mér vegna
þess að stundum hefur afi minn, sem er dáinn, komið í byrjun draumsins og farið með mig í
umhverfi sem er ótrúlega fallegt og friðsælt. Eftir svoleiðis drauma er ég ekkert hræddur, líður
bara vel og vil helst sofa lengur.
Elsku Jóna Rúna, hvað á ég að gera ? Stundum hef ég á tilfinningunni að enginn strákur á
mínum aldri standi í þessu draumaveseni og það gerir mig svo óvissan, asnalegan og einm-
ana. Ég var víst mjög skyggn þegar ég var undir sex ára aldri og stundum kemur fyrir að ég
sé þá sem eru dánir en ekki oft i seinni tíð. Ég man þó ekki mikið eftir þvi tímabili þegar mest
bar á þessari skyggni hjá mér. Sumt man ég þó greinilega.
Viltu hjálpa mér að reyna að skilja af hverju ég er svona en ekki til dæmis félagar mínir og
systkini? Kæra Jóna Rúna, eru allirmiðlarsvona skilningsríkirog eins spes og þú?Ekki hætta
að svara bréfum í Vikunniþvi ég veitað margir félagar mínir liggja í bréfunum sem þú svarar.
Það er alveg öruggt mál að við unglingarnir stöndum með þér þó við segjum stundum í gríni:
Ætlimanneskjan sé alltafhinum megin?Eða: Getur verið aðgellan sé göldrótteða eitthvað?
Þinn einlægur aðdáandi,
Snúlli.
PS. Hvernig gæi heldurþú að ég sé? Viltu aðeins kíkja á manngerðina og kannski hugsan-
lega möguleika mína? Dreymir þig mikið? Ástarþakkir fyrir allt.
Kæri Snúlli!
Mikið var bréfið þitt skemmtilegt. í svari mínu til þín
skoðum við að sjálfsögðu drauma og mögulegt gildi
þeirra. Vonandi verður það til að auðvelda þér þetta
eitthvað og hugsanlega til að auka skilning þinn á
þessum sérstaka hæfileika sem þú sýnilega hefur.
Það er gleðilegt að heyra að þið unglingarnir séuð
sáttir við svörin mín því ég er mjög „sátt" við ykkur.
Sennilega er ég göldrótt á einhvern hátt eins og ykkur
hefur svo skynsamlega dottið í hug. Ég fer bara vel
með það eða þannig. Kærar þakkir fyrir uppörvunina,
elskan.
Þú spyrð hvort mig dreymi mikið. Sannleikurinn er
sá að þetta síðasta ár í lífi mínu hefur mig dreymt
ótrúlega nákvæmlega öll aðalatriði í lífi einstaklings
sem hefur verið að kljást við mjög sérkennilegar að-
stæður. Þessir mögnuðu draumar hafa ýmist verið
berir eða táknrænir, auk þess að innihalda mjög
mikilvæga leiðsögn eða ábendingar fyrir viðkomandi,
16 VIKAN
ýmist í formi hvatningar eða umvöndunar. Ég segi
eins og þú að það getur verið þrautafullt að vera
meira en í meðallagi dreymin og ekki síst á dulrænan
máta eins og ég og sennilega þú. Við notumst við
innsæi mitt, reynsluþekkingu og hyggjuvit í allri um-
fjöllun um þig og það sem íþyngir þér.
DRAUMAR NAUÐSYNLEGIR FÓLKI
Ef við til að byrja með íhugum drauma yfirleitt þá verð
ég að segja að án þeirra væri tilvera okkar heldur fá-
tækleg, að minnsta kosti stundum. Vísindamenn
hafa eytt miklum tíma og fjármunum í að rannsaka
draumlíf fólks og gera trúlega enn. Flest í þeim rann-
sóknum bendir til að draumar séu fullkomlega nauð-
synlegir fólki og án þeirra geti skapast hvers kyns sál-
rænn vandi sem erfitt getur verið að henda reiður á
hvernig kemur fram.
Tilraunir, sem hafa verið gerðar með tækjum og til
þess gerðum útbúnaði á til dæmis dýrum, hafa gefið
mjög mikilvægar vísbendingar. Hafi þau til dæmis
verið áreitt á byrjunarstigum draumlífs hafa þau
brugðist mjög neikvætt við öllu utanaðkomandi áreiti,
sérílagi því sem hefur orðið til að vekja þau af svefni
sem inniheldur draumferil á fyrstu stigum. Sum hafa
við endurteknar tilraunir fengið tímabundin geðræn
vandamál sem talin eru benda til að í draumi sé ein-
hver sú útrás nauðsynleg sem ekki fæst i vöku og þá
tilfinningaleg og sálræn. Margt í vökulífi okkar er
þess eðlis að það samræmist ekki þeim siðgæðis-
kröfum sem flest heilbrigt fólk setur sér eða þjóð-
félagsstaða þess krefst af því. Slíkt kveikir samt á-
kveðnar þrá og langanir sem við bælum með okkur af
ótta við höfnun eða umvöndun.
Þegar þannig er ástatt fyrir fólki getur myndast mik-
il sálræn og tilfinningaleg spenna sem verður að fá
útrás ef viðkomandi á að halda góðri geðheilsu.
Sjálfsvarnarkerfi þannig ástands virðist vera hvers
kyns útrás þessara forboðnu tilfinninga eða langana
í draumum sem síðan eru afgreiddir sem rugl ef eðli
þeirra og innihald hentar okkur ekki í vöku. Svokall-
aðar martraðir eru oftar en ekki af þessum toga. Eins
er mannssálin margslungin og oftar en ekki er eitt og
annað sem blundar í sálartetrinu sem við viljum af-
neita og horfa framhjá. Það krefst samt sem áður ein-
hvers konar léttis eða lausna og eins og áður sagði er
draumlífið oftar en ekki vettvangur tímabundinna úr-
lausna okkur til sáluhjálpar.
BERDREYMI EÐA TÁKNDREYMI
Mikill eðlismunur er á þeim draumum sem kallast
berir eða táknrænir og áður sögðu draumlífi. Ef við
íhugum þitt draumlíf þá ert þú sýnilega það sem kall-
að er berdreyminn og það meira en i meðallagi
vegna þess að þú virðist eiga nokkuð stöðugt og
magnað draumlíf. Draumar, sem eru berir, koma eins
og í þínu tilviki nokkuð nákvæmlega fram, mismun-
andi fljótt eftir atvikum þó. I þannig draumum eru
staðhættir, fólk og atburðarás venjulega nákvæm-
lega eins og síðar endurtekur sig í raunveruleikan-
um. Vissulega er á ferðinni í þessum tilvikum forspá
sem rætist fyrr eða síðar.
Það er því hægt að fullyrða að þú sért forspár með
þessum sérstaka hætti. Aftur á móti er ágætt að átta
sig á að ekki koma allir draumar fram og sumir þinna
drauma geta auðveldlega fallið undir það sem áður
sagði eða það sem nauðsynlegt er að fá útrás fyrir.
Vissulega getur það verið nokkur áþján að fá upplýs-
ingar um það sem framtíðin ber í skauti sér með
þessum ómeðvitaða hætti.
TÁKNDREYMI MUN ALGENGARA
Tákndreymi er mun algengara fyrirbæri og mjög
marga dreymir fyrir hinu og þessu á táknrænan máta.
Þannig draumar eru oftast nokkuð stuttir og fremur
skýrir. í þeim eru nöfn oft mjög mikilvæg og oftar en
ekki þarf að ígrunda vel staðhætti, hluti, atburðarás
og fólk í tákndraumum og vanda vel alla skoðun og
mögulegt gildi þessara tákna.
Sumir verða mjög færir í að túlka þannig drauma.
Ef okkur dreymir til dæmis snjó gæti slíkt verið fyrir-
boði tímabundinna erfiðleika og þá vita snjódraumar
okkar alltaf á slíkt. Til er fólk sem verður að kallast
bæði tákn- og berdreymið og dreymir þá jöfnum
höndum þessar tvær ólíku tegundir drauma. Þeir
hafa svipað gildi og tengjast báðir forspám með
þessum sérstaka hætti.
SÁLFARIR EN EKKI DRAUMAR
Ef við veltum aftur á móti fyrir okkur þessum draum-
um sem þér finnst þig vera að dreyma, þar sem afi
þinn sækir þig og fer með þig á áður ókunna staði þar
sem þér finnst vera heimkynni þeirra látnu, er ekki
um draum að ræða heldur það sem fella mætti undir
sálfarir. Vegna þess að sálfarir fólks fara oft fram í
tengslum við svefn ruglum við þessu tvennu iðulega
saman. Sennilegt er að þegar afi þinn birtist þér í
svefni sé hann að leiða þig á vit þeirrar veraldar þar
sem hann á heimkynni sín, það er ríki Guðs.
í húsi föðurins eru, eins og Kristur sagði, margar
vistarverur og af þeim ástæðum er ekki ólíklegt að þú
kunnir að koma víða við í þessum ferðum með afa.
17.TBL. 1991