Vikan - 22.08.1991, Blaðsíða 20
HALLGRÍMUR
„HVAÐ ER TÍMI?“
Meöal stílbrigða Tvíbura rísandi er „pælarinn"
eöa aö vilja gefa þá ímynd að maður búi yfir
þekkingu og sé víösýnn og fróöur. Þaö vara-
sama viö þetfa er að áhugi á fjölhæfni og létt-
leika getur leitt til yfirborösmennsku í fram-
komu.
„Já, þú átt viö mann sem segir: „Hvaö er
tími?“ viö annan heimspeking í partíi," segir
Halli og skellihlær. „Við Sigurður höfum hlegiö
mikiö að þessu; þetta er ákveöin manngerö."
Hinn alvörugefni og yfirvegaöi Meyjarbragur
viröist á undanhaldi hjá Hallgrími; þaö er eins
og áherslan sé á að hafa þaö nú svolítið
gaman. Hann heldur áfram og segist yfirleitt
grípa sig í yfirborösframkomu.
„Ég get þá hlegið að henni líka og séö aö ég
er kominn yfir strikiö. Það er gaman aö leika
sér meö form en til þess aö gera þaö þarf mað-
ur að vita af þeim. Þá er hægt að sauma út fyrir
þau og hoppa til hliðar viö þau.“
ALLTAF EINHVER NÝSKÖPUN
Korttextinn heldur áfram og segir: Þegar þú
hefur mótaö persónulegan stíl öölast þú hæfi-
leika á sviöi tjáskipta og upplýsingamiðlunar.
„Þaö er svolítiö gaman aö þessu því þegar
ég loks ákvaö aö fara í útvarp var þaö til þess
að ná góöum tökum á persónulegri tjáningu.
Ástæöan var þó ekki sú aö þetta væri stór
veikleiki hjá mér eins og stundum er þegarfólk
hellir sér út í viss störf. En þetta stendur heima
viö þaö sem ég var að segja; til þess aö skapa
þessum þáttum farveg þurfti ég einmitt aö
skapa þeim persónulegan stíl. Tilgangurinn er
líka að víkka þaö sviö og fjölga þeim farveg-
um. Þetta er persónulegi stíllinn á þeim núna,
hann var annars konar í fyrra og vonandi verð-
ur alltaf einhver nýsköpun."
Merkúr er táknrænn fyrir hugsun og Halli
hugsar eins og Vog. Hann er einmitt þekktur
fyrir að „klára málið" og kortiö segir aö hugsun
hans sé almennt rökvís en aö þaö varasama
viö hugsun í Vog sé hik og tilhneiging til aö
forðast aö segja óþægilega hluti.
„Þetta er oft túlkað sem óhreinskilni og
svona fólk lendir í því að verja sjálft sig sem
óhreinskilið. Svona framkoma kemur út eins
og verið sé að bugta sig og beygja fyrir vilja og
skoðunum annarra og lúta því sem maður
heldur aö aörir vilji. Þetta er einmitt eitt af því
óþægilegasta í mínu fari.“
Ánu Ánu?
Ef hann ræktar hugsun sína öölast hann þó
hæfileika til aö samræma ólík sjónarmiö og
vinna með öörum á hugmyndasviði. Einnig
hefur hann gott auga fyrir formi og fegurð
tungumálsins. Vegna hlutleysis og yfirvegaðr-
ar hugsunar ætti hann aö eiga auðvelt með aö
beita námshæfileikum sínum.
„Hvaö samvinnu á hugmyndasviöi varöar er
þaö mitt helsta starf í augnablikinu. Ég hef til
dæmis sérlega gaman áf því aö semja þessa
Topp tíu-lista í þættinum. Ég held að við
endursemjum hverja setningu aö minnsta kosti
fimm sinnum þar til rétta orðalagið finnst. Einn
af kostum þess að búa hér er aö íslenskan er
vitanlega það mál sem maður hefur best vald
á. Málið er bæöi fallegt og ofsalega fyndiö - og
nútímamálið og hvernig viö notum þaö segir
svo mikið um okkur. Viö eigum orðasambönd
sem eru samhangandi en ekki alveg orðin aö
frösum og þau gefa málinu ákveðinn blæ.
Þessi blæbrigði er hægt aö spila svo skemmti-
lega á. „Áttu áttu?“ Þetta hafa allir sagt, í
Veiöimanni. Einn frasi sem viö notum stundum
er: „Ég þori ekki aö fara meö það“ - og svo er
látið vaöa!“
ÁGÆTUR SÁLFRÆÐINGUR
Satúrnus er í Sporödreka en hann er tákn-
rænn fyrir þaö sem heftir okkur og hamlar.
Sporödrekinn er meö tortryggnari merkjum og
Hallgrimur þart því aö gæta sín á eigin tor-
tryggni, svo og ómeðvitaðri stífni í samskipt-
um. (Viö þessi skilaboð setur Haili upp tor-
tryggnissvip eins og vera ber.) Djúp tengsl
geta vakið meö honum hræöslu og jánkar
Thorsteinsson þvi að bragöi. Hann er enda
meðvitaður maöur á sinn innri mann og hefur
töluvert gruflað í tilfinningum.
í þessu lífi þarf hann aö takast á við hreins-
un tilfinninga og uppgjör viö fortíðina, auk þess
að takast á viö ýmislegt sem varöar vald. í fyrri
lífum lenti hann í erfiðri reynslu sem olli sárs-
auka og niðurbroti á tilfinningum. Hann gæti
því búið yfir ómeðvitaðri hræðslu viö vald eöa
haft andstyggð á því og þolir fyrir vikið ekki aö
aðrir ráöi yfir honum. Til aö vinna á þessu er
ágætt aö opna tilfinningar og hreinsa fortíðina
í burtu; þessi reynsla er að baki og því engin
ástæða til tortryggni. Vert er að reyna að forð-
ast neikvætt umhverfi og gæta þess aö sýna
nærgætni þegar tilfinningar þeirra sem ekki
hafa sömu reynslu eru annars vegar. Af-
leiöingar þessa eru aö Hallgrímur er varkár í
tjáningu tilfinninga og töluverður einfari. Engu
aö síöur eru tilfinningar hans djúpar og sterkar
og vinni hann með reynslu sína öölast hann
skýra meðvitund og innsæi í dekkri hliðar
mannlegs eðlis. Hann getur öðlast hæfileika til
aö kryfja líðan sína og annarra og gæti orðið
ágætur sálfræðingur.
„Það er svolítið erfið blanda að hafa bæði
þörf fyrir aö láta aöra ekki ráöa yfir sér og aö
hafa sterka tilhneigingu til aö láta hjálpsemi
nálgast eitthvaö sem gæti túlkast sem undir-
gefni. En svariö er aö þaö er verið að vinna í
þessu.“
Hvaö kynlíf og samskipti varöar er það jarö-
bundin og pottþétt kona sem hentar Hallgrími
best. Hann hrífst af líkamlegri fegurö og þaö
skiptir hann máli að kona hans sé falleg og vel
klædd. Hann er töluverður nautnamaður þegar
búið er aö brjótast í gegnum varnarmúrana.
„Þetta er fín lýsing á Helgu,“ segir Halli.
„Hún er nefnilega bæöi pottþétt og líklega
jarðbundin, enda Meyja. Annars er hún rísandi
Ljón og á sem slík til sína Ljónstakta sem
minna stundum mest á Mick Jagger. Varnar-
múrana, já, sérstaklega þegar ég brýst sjálfur
inn.“
GAGNVIRK FJÖLMIÐLUN
Halli fer aftur utan í haust, ekki til aö setjast á
skólabekk í þetta sinn því mastersnáminu lauk
hann í vor heldur til aö taka viö starfi á sviði
multi-media eöa gagnvirkrar fjölmiðlunar. (
þessu samhengi er tölvan í hlutverki virks fjöl-
miðils eöa hljóömiðils, myndmiöils og texta-
miöils. Hún miölar þó ekki til fjöldans heldur á
fjölmargan hátt.
„í Ijósi þessarar þróunar væri rétta þýöingin
á mass media, fjöldamiðlun en svona tölvur
væru fjölmiölar. Ég var aö hefja störf hjá fyrir-
tæki sem starfar fyrir Philips að því aö búa til
forrit aö skemmti- og fræösluefni á geisladisk-
um. Þeir eru tvenns konar, CD-ROM og CD-I
en l-útgáfan eru interactive eöa gagnvirk
prógrömm. Þetta CD-I kerfi er heimilisspilari
sem geisladiski er stungið inn í og meö fjar-
stýringu er síðan „talaö" viö efnið.
í tölvuleikjunum er efnið þannig forritaö að
hægt er að breyta atburðarásinni. Af fræðslu-
efni má nefna disk sem kennir fólki að sigla
skútu og heimaskjárinn er í því tilviki oröinn
eins konar hermir. Ég vinn við að búa til prótó-
týpur af því hvernig best sé aö haga samskipt-
um neytandans viö efnið.
Þetta er alveg nýr miðill og þessi samskipti
koma inn sem nýr þáttur hugbúnaðarins. Það
þarf því að huga vandlega að hönnun sam-
skiptanna. Einnig þarf að gera efnið þannig úr
garöi aö samskiptin séu nánast alveg gagnsæ.
Aðallega er ég í viðmótshönnun eða því aö
gera efnið eins neytendavænt og hægt er.
Spilarinn kostar 1200 dali og diskar síðan frá
20 upp í 50 dali.
Philips er aö koma þessum CD-I spilurum á
markað í Evrópu og Bandaríkjunum í sumar.
Svo dæmi sé tekið um notkunarmöguleika er
hægt aö fá alfræðiorðabækur á geisladiski og
sé flett upp á tígrisdýri fær maöur jafnvel aö sjá
mynd af tígrisdýrahópi. Hver diskur rúmar
eitthvað um hundraö Biblíur en þá kæmist aö
vísu ekki mikið af hreyfimyndum fyrir með text-
anum.“
AÐ VERA ÍSLENDINGUR
Þýöir þetta að hann sé einn þeirra sem endan-
lega hafi tekið Keflavíkurveginn úr landi?
„Ég kann mjög vel við mig hérna í fyrsta
skipti í langan tíma. Ég hef alltaf veriö fljótur út
aftur undanfarin ár en núna kom ég heim meö
því hugarfari að athuga hvort ég myndi vilja
eiga heima hérna. Ég hef annan valkost og þá
lítur maöur aöeins öðruvísi á málið. Kostirnir
eru þá skoðaðir samhliða göllunum. í því sam-
hengi fannst mér sérstaklega gaman að sjá
mynd Friðriks Þórs, Börn náttúrunnar, því hún
fjallar einmitt um landiö í fólkinu og fólkið [
landinu. Landið og landslagið eiga gífurlega
sterk tök í okkur og myndin var afar sönn aö
því leyti, burtséö frá aö vera ævintýralega
falleg. Þetta erfallegasta íslenska myndin sem
ég hef séö og jafnframt sú íslenskasta. Það
ættu allir aö sjá þessa mynd sem vilja velta þvi
fyrir sér hvaö þaö er aö vera íslendingur og þvi
þurfa allir aö pæla í á þessum tímum.“