Vikan - 22.08.1991, Blaðsíða 46

TÖLVUSKÓLINN EYKUR STARFSEMI SÍNA
Stofnar Ferðamálaskóla íslands
sem hefur starfsemi í haust
Að Höfðabakka 9 í Reykjavík er einhver sveigjanlegasti skóli sem um getur á
íslandi; Tölvuskóli íslands. Þar eru kennd öll hugsanleg fræði er lúta að nútíma
skrifstofuvinnu, tölvunotkun og tengdar greinar. Þar sem um starfsnám er að
ræða hentar það vel þeim sem vilja og þurfa að mennta sig í tölvu- og viðskipta-
greinum og þeim sem eru á leið út á atvinnumarkaðinn eftir hlé eða vilja breyta
til. Það hefur líka sýnt sig að mörg fyrirtæki hafa ekki síður ráðið fólk til starfa
sem hefur pappíra frá þessum skóla en sambærilega æðri menntun. Meðal
markmiðanna með náminu eru yfirgripsmikil þekking á upplýsingatækni, ögun
og skipuleg vinnubrögð, betri möguleikar á vinnumarkaði og ekki síst aukið
sjálfstraust og sjálfstæði nemendanna.
Jónas ásamt áhugasömum nemendum Tölvuskólans.
46 VIKAN 17. TBL. 1991
Viðar Sæmundsson, Óskar B.
Hauksson og Jónas Sigfússon
veita skólanum forstöðu og kenna
þar allir sjálfir, auk þess sem þeir
sjá um önnur verkefni sem þarf að
leysa af hendi. Þeir kappkosta að reka skólann
á skynsemisgrundvelli og bjóða því upp á
ódýrara nám en aðrir geta boðið. Skólinn er að
hefja fjórða starfsár sitt í haust og til að fá nán-
ari vitneskju um það stad sem þar fer fram
náðum við tali af Jónasi Sigfússyni. Til að byrja
með spurðum við hvers konar fólk sækti um
nám í Tölvuskóla íslands.
- Hingað kemur alls konar fólk, ungt og
gamalt. Hér er mikið um fólk sem er að fara aft-
ur út á vinnumarkaðinn eftir eitthveri hlé, fólk
sem langar til að breyta til; finnur sig knúið til
að læra á þau tæki og tól sem eru notuö í dag
á skrifstofum og svo kemur fólk líka hingað til
að auka þekkingu sína.
Hvernig er svona skrifstofutækninám
sett upp?
- Við bjóðum upp á skrifstofutækninámið í
tveim þrepum; skrifstofutækni I og II. Skrif-
stofutækni I samanstendur af kennslu og verk-
legum æfingum í bókhaldi, bókfærslu, ýmsum
tölvugreinum, verslunarreikningi, skýrslugerð
og lýkur svo á lokaverkefni.
Hvernig er það?
- Það er nokkuð flókið að skýra frá því í
stuttu máli en það er þannig unnið að fólk nýtir
þá þekkingu sem það hefur aflað sér á nám-
skeiðinu, til dæmis með því að kanna hráefn-
iskaup vegna fyrirhugaðrar framleiðslu. Það
eru send út bréf til nokkurra tilbúinna fyrirtækja
og svo koma svör til baka. Það þarf síðan að
vinna úr svörunum. Hvar er hagkvæmast að
kaupa inn? Er afhendingartíminn réttur? Og
svo framvegis. Það þarf kannski að útbúa toll-
skýrslur og svo þarf að skipuleggja fram-
leiðsluna, finna kaupendur, og senda út upp-
lýsingabréf og fá inn pantanari. Þegar þetta er
allt komið þarf að raða þessu öllu saman upp.
Þetta hefur reynt virkilega á það sem nemend-
urnir hafa lært. Þetta er ekki mjög viðamikið
verkefni og fólk ræður mjög vel við það eftir
námskeiðið. Sumir hafa leyst þetta alveg
meistaralega vel og farið út í hin flóknustu
smáatriði bara til að gera þetta svolítið „grand“
vegna þess að þannig verður þetta allt ennþá
skemmtilegra.
Þetta kallar þá á töluverða útsjónarsemi?
- Já, þarna reynir á upplag viðkomandi
nemanda. Og ég vil leggja áherslu á að það er
persónuleiki hvers og eins sem skiptir máli.
Skrifstofutækni II er svolítið fræðilegra nám. I
skrifstofutækni I eru nemendur fyrst og fremst
að læra að framleiða upplýsingar. f skrifstofu-
tækni II er svo farið að vinna úr þeim til að geta
tekið ákvarðanir. í bókhaldsþættinum þarf til
dæmis að vera hægt aö lesa úr bókhaldinu
ákveðnar kennitölur sem skipta máli fyrir rekst-
ur fyrirtækisins. Út frá þessu þarf svo sjálf-
stæða ákvarðanatöku. Rekstrarhagfræði er til
TEXTI: ÞORSTEINN EGGERTSSON / LJÓSM,; RAGNAR TH. SIGURÐSSON