Vikan - 22.08.1991, Blaðsíða 54
UNG SKÁLD
J
LJÓSM.: BINNI
Það er synd hve hugarheimur barna er oft hulinn þeim fullorðnu, því börnin eru
oft vitrir litlir einstaklingar sem mikið er hægt að læra af. En til þess að það sé
hægt þarf að hlusta og til að hiusta þarf að gefa sér tíma. Tíminn er þeim full-
orðnu afar dýrmætur, því tíminn er peningar. Þess vegna hefur nútíma barna-
pían, sjónvarpið og myndböndin, yfirdrifið nógu að sinna. Margir hafa óttast að
afleiðingar þessa gætu meðal annars komið fram í skertri sköpunargáfu barn-
anna. Öllu því sem bendir til að þessi ótti sé ástæðulaus er því innilega fagnað.
Einn slíkur atburður var Listahátíð barnanna sem nú nýlega var haldin með
pomp og prakt. Af því sem þar var að sjá og heyra þurfum við ekki að óttast um
framtíð Sögueyjunnar í höndum þeirrar kynslóðar sem nú er að vaxa úr grasi.
Vikan leitaði til tveggja stúlkna sem tóku þátt í hátíðinni og í Ijós kom að báð-
ar yrkja Ijóð og skrifa sögur. Eftir aðra þeirra birtist Ijóð í Ljóðabók barnanna en
eftir hina birtist Ijóð í Dagblaðinu og á sýningu í tengslum við hátíðina.
HEF SENT VÍSUR
MEÐ GJÖFUM ...
Ragnhildur Björg Gunnarsdóttir er tólf
ára. Hún byrjaði að yrkja á sænsku,
en hún átti heima í Svíþjóð til átta
ára aldurs.
Hvað varstu gömul þegar þú
ortir fyrsta Ijóðið þitt?
Ég var fimm eða sex ára.
Manstu af hverju þú byrjaðir á þessu?
Já, mér þótti svo gaman að láta orð ríma og
fór að leika mér að því að setja saman vísur
með rími.
Hefurðu ort mörg Ijóð?
Já, ég á nokkur. Mörg þeirra hef ég ort til
ömmu og afa og stundum sent vísur með gjöf-
um til þeirra.
Skrifar þú sögur Ifka?
Já, mér finnst mjög gaman að skrifa sögur
og geri það stundum.
Um hvað fjalla þær?
Þær fjalla um hitt og þetta sem mér dettur f
hug en oftast þó um það sem gerist í raunveru-
leikanum.
Ætlarðu að birta þær einhvern tíma?
Nei, það ætla ég ekki að gera.
Hvers vegna ekki?
Mér finnast þær ekki vera neitt sérstakar
enda er ég bara að skrifa þær fyrir sjálfa mig
og fjölskyldu mína.
Er mikið lesið á þínu heimiii?
Já, nokkuð mikið. Þegar ég var lítil var mikið
lesið fyrir mig.
Eru lesin Ijóð?
Stundum lesum við Ijóð hvert fyrir annað.
Bæði mamma mín og systir mín hafa mikinn
áhuga á Ijóðum. Amma mín les Ifka oft Ijóð
fyrir mig.
Eftir hvaða höfunda eru þessi Ijóð?
Flest eru eftir Davíð Stefánsson, Tómas
Guðmundsson og Einar Benediktsson.
Finnst þér Ijóð þessara höfunda vera
skemmtileg?
Já, það finnst mér, en sum eru samt svolítið
sorgleg.
Lærirðu Ijóð í skólanum?
Við erum alltaf látin læra eitt Ijóð f hverri
viku.
Hvaða Ijóð eru það?
Þau eru eftir ýmsa höfunda, svo sem Stein
Steinarr og Örn Arnarson.
Yrkið þið sjálf í skólanum?
Það er ekki oft en hefur þó komið fyrir. Til
dæmis vorum við að leika okkur aö yrkja á
ensku, ég og Lilja vinkona mín, og þetta kom
út úr því:
There’s a hole in my pocket
There's a hole in my pocket
I cen feel it with my fingers.
The hole is small
but I can feel it with my fingers.
Everything I put in my pocket
I can't find again.
Nobody knows about my hole
except me and my fingers.
Áttu þér uppáhaldsskáld?
Ég veit nú ekki. Flest skáldin eru svo góð að
ég vil ekki gera upp á milli þeirra.
Ætlarðu að verða skáld eða rithöfundur
þegar þú verður stór?
Kannski, það á bara eftir að koma í Ijós.
54 VIKAN 17.TBL. 1991