Vikan - 22.08.1991, Blaðsíða 49

Svíþjóð sem hafa verið á tölvunámskeiðum
hjá okkur.
Af hverju komu þeir hingað?
- Af hverju skyldu menn ekki koma til
Islands? Það er unnið að markaðssetningu (s-
lands erlendis og hvers vegna skyldu menn
ekki sækja námskeið á íslandi? Þetta er líka
áhugavert fyrir okkur ekki síður en þá enda
eigum við von á þeim á nokkur námskeið í
vetur.
Hafið þið kennt fleiri útlendingum?
- Já, við höfum kennt útlendingum sem eru
búsettir á íslandi. Við höfum til dæmis verið
með námskeið á ensku. Þetta er bara einn lið-
ur í að þjóna vinnumarkaðnum.
Nú eru þetta þá orðnir tveir skólar.
- Reyndar þrír því að hér er líka til húsa
Stjórntækniskóli íslands.
Er þá ekkert fast kennaralið?
- Nei, ekki aðrir en þeir sem þegar eru
nefndir. Að auki leitum við alltaf til þeirra hæf-
ustu einstaklinga sem við þurfum á að halda á
hverjum tíma. Þegar mikil aðsókn er að
skólanum og mikil þörf fyrir fleira starfsfólk ráð-
um við það til ákveðinnar kennslu. Við erum
líka í aðstöðu til að geta bætt við okkur hús-
næði eftir þörfum. Þetta er allt liður í að geta
haldið niðri kostnaði við námið enda full þörf á
því þar sem haustnámskeiðin eru yfirleitt ekki
fjölmennari en fimmtán nemendur í hóp. Við
viljum ekki hafa hópana mjög fjölmenna vegna
þess að hver einstakur nemandi á rétt á fullri
athygli kennarans.
Hvernig hefur ykkur gengið að fá
nemendur?
- Það hefur gengið einstaklega vel vegna
þess að þetta er skemmtilegt nám sem við
bjóðum og þar að auki erum við með mjög
góða aðstöðu til að kenna. Við erum líka með
góð tæki; við kennum eingöngu á PC/386-
tölvur.
Hvers konar tölvur eru það?
- Eigum við ekki að segja „toppurinn í
dag?“ Fyrst kom PC-tölvan, svo kom PC/XT-
tölvan, síðan ATfölvan sem var kölluð 286 og
nú er 386 sú nýjasta. Reyndar er til 486 líka en
hún er óþarflega öflug til kennslu. Þetta þýðir
einfaldlega að við getum keyrt tiltölulega þung
forrit með góðum árangri. Þessar tölvur eru
meðal annars með litaskjám og grafískum for-
ritum. Við reynum á hverjum tíma að vera með
það sem er efst á baugi á markaðnum, þó
þannig að við séum helst skrefi á undan. Fólk
leitar oft til okkar um ráðgjöf varðandi tölvu-
■ Það er unnið mark-
visst að því núna að
markaðssetja ísland
sem ferðamannaland
erlendis og það er ekkert
ólíklegt að erlendum
ferðaskrifstofum þætti
fengur i því að fá fó jk f rá
íslandi sem þekkir ísland
og möguleikana hér.
■ Starf á ferðaskrifstofu
er mjög fjölbreytt og við
ætlum að taka fyrir
ákveðna þætti þar að
lútandi.
■ Hægt er að sækja
nám í skólanum á morgn-
ana, síðdegis eða á
kvöldin, allt eftir þeim
tíma sem nemendur geta
gefið sér til hagnýts
náms.
kaup og þá erum við eins hlutlausir og hægt er
og til að fyrirbyggja allan misskilning þá erum
við ekkert í því að prangatölvum inn áfólk. Við
biðjum fólk um að skilgreina þörfina fyrir okkur
og þá bendum við á heppilegustu lausnirnar í
hverju tilviki en á endanum velur fólkið auðvit-
að sjálft. Það er þýðingarmikið fyrir okkur að
vera ekki negldir á einhver ákveðin fyrirtæki
því að við verslum sjálfir þar sem við fáum
heppilegustu kjörin og helstu nýjungarnar á
hverjum tíma.
Svo mælti Jónas Sigfússon, einn af eigend-
um og stjórnendum Tölvuskóla íslands, en
þegar hér var komið sögu fóru umræöurnar að
gerast svolítið fræðilegar. Við gætum að vísu
sagt ótal margt í viðbót um þennan athygl-
isverða skóla og nýjungarnar sem tengjast
honum en að svo stöddu látum við okkur
nægja að benda þeim sem hafa áhuga á frek-
ari upplýsingum að hringja í skólann eða skrifa
og biðja um námsvísi.
Svona rétt í lokin sakar þó ekki að geta þess
að hægt er að sækja nám í skólanum á morgn-
ana, síðdegis eða á kvöldin, allt eftir þeim tíma
sem nemendur geta gefið sér til hagnýts
náms. Meðal þeirra námsgreina sem ekki hef-
ur verið minnst á i viðtalinu eru tölvugrunnur,
„Windows", verslunarreikningur, tölvubókhald,
almenn skrifstofutækni, bókhaldstækni og
ýmis notendaforrit. Síðast en ekki síst verður
boðið upp á nám í góðri íslensku. Svokallað
„stofnanamál" hefur lengi loðað við plögg sem
send eru frá ábyrgum skrifstofum hér á landi.
Þetta málfar er fremur hvimleitt og auðvitað
fyrir löngu slitnað úr tengslum við almenna og
heilbrigða málvitund almennings. Þess vegna
hefur Tölvuskóli fslands ákveðið í samráði við
víðsýna málfræðinga að bjóða upp á nám í því
sem til bráðabirgða er kallað að „koma frá sér
skipulegu og skiljanlegu ritmáli". Gott, lifandi
íslenskt mál ætti að vera hverjum vel
menntuðum íslendingi svo samtvinnað að allt
frekara nám ætti ekki að vera án þess. Þessi
námsgrein, sem byggist fyrst og fremst á því
að hver nemandi geti komið frá sér skriflegum
texta á skýru og skiljanlegu máli, er því metn-
aðarmál Tölvuskóla íslands.
Þetta er ungur skóli en óhjákvæmilegur á
íslandi nútímans. Við höfum heyrt að fólk hafi
farið þangað án nokkurrar trúar á sjálft sig en
hafi útskrifast þaðan fullt af sjálfstrausti og trú
á lífið. En það er auðvitað önnur saga sem
bíður betri tíma.
Á YFIR 600 BLAÐSÖLUSTÖÐUM
■ Eru íslendingar óalandi og óferjandi hrokagikkir sem kunna
enga mannasiði? Þurfa allar skreytingar á veitingahúsum að
vera naglfastar til þess að gestirnir steli þeim ekki? Sæta þeir
færis að hlaupa út frá óborguðum reikningum? Ganga þeir um
salerni veitingahúsanna eins og þau séu svínastíur? Þarf
meðalstórt danshús virkilega að kaupa um 400 glös eftir einn
dansleik vegna þess að gestirnir annaðhvort stela þeim eða
brjóta þau? Er virkilega satt að brúður endi veislu sína brenni-
vínsdauð og flækt í slörið á meðan brúðguminn er í keliríi með
annarri undir stiga? Eru fjörutíu prósent íslendinga hrokagikk-
ir sem aldrei er hægt að gera til hæfis? Koma þeir inn á veit-
ingastaði eingöngu til að niðurlægja starfsfólkið? Getur þetta
verið satt? (Úr greininni um vanda veitingastaðanna).
ÞÚ LEST ÞAÐ í SAMÚEL!