Vikan - 22.08.1991, Blaðsíða 17
... svo þegar hann slasaðist mikið í raun-
verulega slysinu eins og í draumnum fékk ég
svo rosalega bakþanka og einhverja óþægi-
lega tilfinningu innra með mér, sem reyndar
er enn til staðar. Ég ræddi þetta við foreldra
mína en þau virtust ekki skilja hvað þetta er
óþægilegt fyrir mig...
Hvað varðar það að þú finnir vellíðan og innri frið
grípa um sig á hugskoti þínu á meðan og á eftir
undirstrikar bara að þú ert í þessum sálförum
þínum á ferð um kærleiksveröld drottins, þar
sem við öll eigum vísan samastað að loknu jarðlífinu
þó í mismunandi vistarverum sé. Það er svo nokkuð
sem við getum haft áhrif á með breytni okkar hér á
jörðinni.
Það er því engin ástæða fyrir þig til að óttast þessa
tegund upplifunar í svefnástandi og enn síður þar
sem afi þinn leiðir þig og verndar fyrir öllu þvi sem
mögulega gæti valdið þér óþægindum. Það sem virki-
lega undirstrikar að draumlíf þitt er sérstök náðar-
gáfa, sem þér er ætlað að lifa með og umbera, er til
dæmis draumurinn um Jesúm Krist. Hann bendir á-
kveðið til þess að þú njótir guðlegrar forsjár þrátt fyrir
eðlilegan ótta þinn og óöryggi vegna alls þessa, enn
sem komið er.
SEKTARKENND OG SKILNINGSLEYSI
Hvað varðar drauminn um vin þinn er þetta að segja.
Það er alrangt að fyllast sektarkennd vegna þess
sem þú í draumi sást fyrir og síðar varð að veruleika
í lífi hans. Þótt þú hefðir sagt honum drauminn er
heldur ósennilegt að þú hefðir forðað vanda hans.
Það má alveg eins segja í þesu tilviki að trúlega hafi
hann átt að eignast þá reynslu sem slysinu fylgdi.
Það er alls ekki víst, hvort sem þér líkar að heyra það
eða ekki, að vini þínum hefði verið nokkur þægð í
þeim upplýsingum sem þú bjóst yfir vegna væntan-
legs slyss. Honum gæti eins og þér hafa fundist óvið-
eigandi að velta sér upp úr þannig möguleika og ekk-
ert óeðlilegt við að gefa sér það að hann hefði hrein-
lega ýtt þessum möguleika út í hafsauga, þó ekki
væri nema vegna ungdóms síns.
GREINILEGA FRAMSÝNN
Hitt er svo annað mál að í þessu tilviki var greinilega
um framsýni eða forspá þína að ræða i gegnum
þennan bera draum, en hvernig á ungur strákur eins
og þú að hafa fullt traust á sérkennilegu draumlífi
sinu þegar hann skortir bæði þekkingu og trú á eigin
hæfni á þessu makalausa sviði? Það er, elskulegur,
margra ára fyrirhöfn að þjálfa fullan skilning á þvi
sem tengist draumlífi okkar og þar af leiðandi mjög
ósanngjarnt af þér að refsa sjálfum þér þó þú hafir
séð í draumi fyrir ókominn atburð. Ef þú hefðir verið
fullkomlega viss um sannleik þann sem draumurinn
innihélt hefðir þú örugglega beitt öllum tiltækum ráð-
um til að reyna að afstýra slysinu.
Á þessum vangaveltum sérðu að það er engin á-
stæða fyrir þig til að vera með sektarkennd. Hún er til-
gangslaus núna vegna þess að slysið hefur átt sér
stað og við breytum ekki því sem þegar hefur gerst.
Eins veit maður alls ekki nema, eins og áður sagði,
það kunni að vera einhver tilgangur á bak við
þennan atburð, eitthvað sem getur orðið til góðs fyrir
vin þinn þegar betur er að gáð og síðar kann að
koma í Ijós.
EINSEMD DREYMANDA
Þú átt í ákveðnum erfiðleikum vegna þessa draumlífs
og ekki síst hvað varðar þina nánustu vegna þess
hvað fráhverf þau eru því yfirskilvitlega. Það er
hryggilegt, sérstaklega með tilliti til þess að þó við
séum ólík foreldrum okkar að eðlisþáttum og upplagi
er mikilvægt þegar við erum ung og ómótuð, að þeir
beri gæfu til að virða það sem okkur er eiginlegt. Þar
sem þau hafa orðið vitni að þvi að þú hefur reynst
sannspár í gegnum drauma, væri eðlilegra að þú
gætir rætt þessa sérgáfu þina við þau.
Öll umræða um það sem ýmist vekur vellíðan okk-
ar eða ótta er mikilvæg, ekki sist til að auka líkur á
frekari skilningi okkar sjálfra á fyrirbærinu. Ef útilokað
er að vænta skilnings af foreidrum þínum verður þú
að finna einhvern, annaðhvort skyldan eða óskyldan,
tii að tala við um þessa þætti í þér. Vertu viss, þú ert
örugglega ekki einn um að þurfa að létta á hjarta þinu
hvað varðar drauma. Alla dreymir en fáa þannig að
það sé mjög mikils virði, nógu marga þó til að einhver
þeirra verði á vegi þínum ef þú ert ófeiminn við að
þreifa lítillega fyrir þér. Mögulega gæti það bæði orð-
ið gagnlegt fyrir þig og þann sem þess heiðurs verður
aðnjótandi að fá að kynnast því sem þú ert að upplifa
á nóttunum.
MANNGERÐ OG MÖGULEIKAR
Þú spyrð hvernig gæi þú sért og ég segi bara eins og
mamma gamla hefði sagt af sinni alkunnu speki:
„Góður náttúrlega." Þú virðist mjög margþættur og
fellur sennilega undir það sem kalla mætti að skað-
lausu fremur flókna manngerð. Styrkur þinn gæti þó
fremur legið á sviðum tækni og jafnvel uppgötvana
en öðru. Þú virðist nokkuð skapstilltur en ert trúlega
langrækinn og hefur mikla þörf fyrir athygli og þer-
sónulega ást. Metnaður þinn mætti að skaðlausu
vera ögn meiri fyrir eigin hönd. Spenna og ósamlyndi
á trúlega mjög illa við þig og hætt við að þú leggir á
flótta við þannig aðstæður.
Það tímabil i uppvextinum sem virðist hafa haft
mest mótandi áhrif á þig er árin á milli fimm og tólf
ára. Á því timabili kannt þú að hafa eignast mikinn
innri styrk vegna aðstæðna og fólks sem hefur verið
þér mikilvægt og náið. Þú verður sennilega einnar
konu maður en verður að varast ótæpilega eigingirni
í tilfinningamálum. Þú virðist hafa tilhneigingu til að
slá eign þinni á þann sem þú kemur til með að elska.
Þannig stráka eigum við stelpurnar sérlega erfitt með
að þola, svona til viðvörunar fyrir þig. Mikilvægasti
tími ævi þinnar verður sennilega um eða eftir fertugt.
Þá gætu orðið feikilegar og margþættar breytingar í
lifi þínu, sem sennilega munu gjörbreyta viðhorfum
þínum til góðs fyrir þig og samferðafólk þitt.
Þú gætir haft nokkra tilhneigingu til leti og því er
afar mikilvægt fyrir þig að rækta vel innra líf þitt og
aga þig ögn. Þú virðist fyndinn og skemmtilegur og
átt sennilega mjög auðvelt með að sjá spaugilegar
hliðar sjálfs þíns og annarra. Þennan eiginleika mætti
virkja og leyfa sem flestum að njóta góðs af. Hyggi-
legt er fyrir þig að krækja þér í starfsþjálfun vegna
þess að þú átt sennilega erfitt með að láta aðra
drottna yfir þér og þarft þar af leiðandi að vera sem
sjálfstæðastur.
Það er jafnframt augljóst að þú ert með sérkenni-
lega dulargáfu sem gæti síðar á ævinni tekið á sig
mun þægilegri myndir en draumarnir gera núna. Best
er því að efla að staðaldri sem jákvæðasta hugsun
og staðfasta trú á Guð og tilgangsríkt líf. Eða eins og
saklausi sveitagæinn sagði einu sinni af alvarlega
gefnu tilefni: „Elskurnar mínar, eftir að ég fluttist í
bæinn hef ég kynnst ýmsu en trúlega best sjálf-
um mér. Ég var nefnilega einmana um tíma og
fékk þá gott tækifæri til að rækta eigið sjálf. Málið
er að þegar við sitjum ein að reynslu okkar er
eins og við verðum miklu meðvitaðri og vissari í
vilja okkar til að halda vörð um það sem verður
að teljast sérstakt í upplagi okkar og manngerð.“
Guð gefí þér aukna trú á eigið ágæti og vissu um
gildi þess að vera öllum stundum einungis þú sjálfur.
Með vinsemd,
Jóna Rúna.
17. TBL. 1991 VIKAN 17