Vikan - 01.10.1992, Blaðsíða 65
- Hvernig leist þér á að
taka þátt í þessu með okkur?
„Mér leist satt best að segja
ekkert á það, sérstaklega út
frá því að ég var nýbúin að
taka þessa ákvörðun sem ég
gat um áðan. Ég hugsaði með
mér að þetta hlyti að vera
eins og allt hitt.
Við nánari umhugsun komst
ég þó að þeirri niðurstöðu að
ég hefði í rauninni engu að
tapa þannig að ég sló til.
Þetta var í lok júní og gekk
strax rosalega vel.
Ég tek fimm skammta á
dag eins og á að gera. Ef ég
sleppi einum eða fleiri
skömmtum af duftinu, sem
ekki er mælt með, þá hefnir
það sín daginn eftir því líkam-
inn þarf á þeim næringarefn-
um að halda sem í því eru og
maður vaknar rosalega svang-
ur. Það borgar sig því að taka
alla þessa skammta og dreifa
þeim yfir daginn."
- Hvernig gekk þér að nota
einingakerfið?
„Það gekk mjög vel. Það
sniðuga er meðal annars að
sælkerinn ég steinhætti að
borða sætindi. Kom það
greinilega fram á bókhaldinu,
sem ég hélt yfir það sem ég
lét ofan í mig, að það var ekki
ein einasta rauð eining á því
fyrstu vikuna. Ósjálfrátt dettur
maður í hollustuna, ávexti,
grænmeti og því um líkt. Ég
nota brauð mikið og náttúr-
lega kjöt og fisk. Ég hef verið
mikill sælkeri og notað mikið
af sósum í gegnum tíðina. Ég
leyfði mér það í grillveislu um
daginn að fá mér sósu sem
hefur verið í uppáhaldi hjá
mér en það var svo skrítið að
mér fannst hún ekkert góð.“
ÚDADI i MIG
SÚKKULAÐI
„Ég hef einu sinni fallið, ef svo
má segja. Þá greip mig eitt-
hvað og ég úðaði f mig heilu
stykki af Toblerone án þess
að vita fyrirfram hversu marg-
ar einingar það væru. Ég var
viss um að það væri langt yfir
það sem ég mætti borða en
það kom í Ijós að það var ekki
meira en nfu einingar þannig
að ég átti eina einingu eftir.
Ég borðaði því ekki mikið
meira þann daginn.
Það góða við NUPO-kúrinn
er að maður getur notað ein-
ingarnar, sem maður hefur til
umráða hvern dag, að vild í
það sem mann langar helst í.
Ef mann langar í súkkulaði
fær maður sér súkkulaði. Það
kostar bara ákveðið margar
einingar. Maður þarf ekkert að
hugsa um bæti- eða snefilefni
því þau fær maður í NUPO-
duftinu og það einfaldar þetta
mál gífurlega.
Það var einhver sem ráð-
lagði mér að taka inn vítamín
með þessu, en ég gerði það
ekki því ég vildi láta reyna á
þetta og það hefur komið í
Ijós að mér hefur ekki orðið
misdægurt og er við hesta-
heilsu."
- Heldurðu stíft bókhald?
„Ég gerði það fyrst en nú er
ég búin að læra þetta nokkurn
veginn utan að þannig að ég
veit hversu margar einingar
ég er að láta ofan í mig og er
meðvituð um fjölda þeirra yfir
daginn. Það er ekki mjög erfitt
þar sem þær eru ekki fleiri en
tfu.
Ég er viss um að þetta
kemur til með að sitja f hug-
anum eftir að maður er hættur
að taka duftið, þannig að
þetta kennir manni hvernig á
að borða hollan mat og í hófi.“
SKÍDIN FÁ EKKI FRIÐ
„Ég fór til læknis áður en ég
byrjaði á þessu og hann lagði
mikið upp úr því við mig að
reyna að fara ekki mikið niður
fyrir 1000 kkal á dag, það er
að segja að nota allar eining-
arnar til þess að þetta yrðu
ekki allt of miklar breytingar
fyrir Ifkamann.
Mér líður alltaf vel og óg er
aldrei svöng. Mór finnst alger
lúxus að þurfa ekkert að
hugsa um hvers konar mat ég
læt ofan í mig fyrir utan duftið.
Það gerir þetta mjög þægi-
legt. Maður borðar og drekkur
það sama og hinir og það
sem mann langar í en verður
bara að vita hversu mikið.
Það verður að segjast eins
og er að þetta er allt annað líf.
Þetta gengur vel, er lítið mál
og tilhugsunin um það sem
mig langar að gera þegar ég
er búin að ná þessu af mér
skemmir ekki. Það er alveg
öruggt að skfðin mín fá ekki
mikinn frið eftir áramót þegar
vonandi verða tuttugu kíló far-
in til viðbótar," segir Kristín að
lokum.
Vikan mun heimsækja Krist-
ínu aftur og sjá hvernig geng-
ur og munu þá lesendur fá að
sjá árangurinn sem vafalaust
verður mun meiri þrátt fyrir að
munurinn sé auðsjáanlegur
nú. Fylgist því með næstu
tölublöðum Vikunnar og þar
með Kristínu. Einnig munum
við hafa samband við fleiri
lesendur sem eru að gera það
sama og hún.
Vinnufélagar hennar og
aðrir hafa spurt hana í þaula
hvað hún hafi eiginlega gert
og er það hér með upplýst. □
Weetabix
ALLA
MOR
Háir sem lágir, mjóir sem breiðir, ungir sem aldnir
þurfa Weetabix til að halda athygli sinni og
starfsgleði í erli dagsins.
ÞÚ KEMST LANGT Á EINNI KÖKU.
TREFJARIKT
HOLLT OG GOTT
( EINNIG A SUNNUDÖGUM )
20. TBL. 1992 VIKAN 65