Vikan - 01.10.1992, Blaðsíða 16
SVO A JORÐU SEM A HIMNI
húsinu, sérstaklega í þessum
yfirg ripsmeiri hlutverkum.
Maður gengur í gegnum ein-
hverja ákveðna eldskírn og
kemur oft annar maður út úr
leikhúsinu en maður fór inn í
það. Það tekur oft nokkun
tíma að ná sér niður. í kvik-
myndinni er allan þann tíma
sem tökur standa yfir verið í
einhverjum ákveðnum sál-
rænum fasa þannig að það er
ekki eins mikil útrás sem
maður fær á stuttum tíma.
Þetta er oft á tíðum svipaður
munur og á því að vinna með
skóflu eða loftpressu. í grunn-
inn er samt viðhorfið, sem
maður þarf að hafa til vinn-
unnar, það sama.“
- Þér finnst sem sagt meira
gaman að leika íkvikmyndum?
„Já, kannski er það vegna
þess að mér finnst ég hafa
fengið fleiri tækifæri í kvik-
myndum en leikhúsi. Þó að
það sé skrítið að segja það þá
er eins og kvikmyndirnar hafi
verið traustari atvinnugrund-
völlur fyrir mig fram að þessu.
Kannski er það líka vegna
þess að maður veit að verið
er að skilja eitthvað eftir sig
því þessar filmur verða til eftir
að maður er dauður.
Þó er ekkert sem gefur eins
mikið og hefur eins mikil áhrif á
sálartetrið og góð leiksýning.
Það er eins og maður fái ein-
hverja svakalega sprautu í sig.
Hún gefur alveg rosalegt kikk.“
BÓNA SKÚTUR
FYRIR RÍKA KARLA
- Hvað erá döfinni hjá þér?
„Við erum að fara að eign-
ast barn, vonandi núna rétt
fyrir jólin. Það er að sjálf-
sögðu einn stærsti viðburður
lífs míns. Þá er heilmikið að
gera hjá mér í leikhúsinu fram
að áramótum og reyndar eftir
áramót einnig.
Við stefnum á að flytja út
næsta haust þvf okkur langar
til að víkka sjóndeildarhring-
inn og breyta aðeins til. Enn
sem komið er stefnum við á
vesturströnd Bandarfkjanna.
Maður reynir að sjálfsögðu að
fá einhverja vinnu og konuna
mína, Ásdísi Sigurðardóttur,
langar til að fara í nám.
Kannski reyni ég fyrir mér í
einhverjum kvikmyndum eða
öðru álíka, án þess að ég sé
að setja það eitthvað á odd-
inn. Það getur alveg eins verið
að maður sitji bara á götunni
með gítarinn og opinn kass-
ann eða að fari að bóna skút-
ur fyrir einhverja ríka karla.
Mig langar til að gefa út aðra
plötu og svo og svo og svo...
,og má því segja að ég sé op-
inn fyrir öllum möguleikum.“
TINNA GUNNLAUGSDÓTTIR:
GEKK NÆR MER
SEM LEIKKONU
EN Ai.LT ANNAÐ
SEM EG HEF,
TEKIÐ ÞATTI
1 6 VIKAN 20. TBL. 1992