Menntamál - 01.03.1935, Blaðsíða 27

MENNTAMÁL
25
þoka prófunum víða erlendis, og þangað verður þeim einnig
stefnt hér.
Eins og kunnugt er, starfar Menntaskólinn hér eftir bráða-
birgðareglugerð, sem sett var árið 1904. Þar er kveðið á um
inntökupróf, sem sýni kunnáttu barnanna í þessum greinum:
íslenzku, dönsku, sögu (íslandssögu og mannkynssögu), landa-
fræði, náttúrufræði, reikningi og skrift. 1 íslenzku, dönsku og
reikningi er prófið bæði munnlegt og skriflegt.
Nú hin siðari ár koma um 100 börn til prófsins á hverju
vori. Má af líkum ráða, að kennarar geti ekki kynnt sér eðli
eða gáfnafar allra þessara barna á einum 4 dögum. Hitt er
vitanlegt, að þeir geta aðeins dæmt eftir úrlausnum þeirra, hve
vel þau séu fallin til framhaldsnáms. Engum er það ljósara en
okkur sjálfum kennurunum, að við þetta próf kennir allmjög
handahófs, og hlýtur að gera það. Skyldu menn því ætla, að
árangurinn væri allt annað en glæsilegur. En við samanburð
á einkunnum nemenda við inntökupróf, gagnfræðapróf og stúd-
entspróf, sem að vísu er mjög lauslegur, kemur þó í ljós, að
allgott samræmi er milli einkunnanna við þessi próf og betra
en vænta mætti. Samræmi þetta virðist vera lakara nú hin síð-
ari ár en áður, enda er þess að vænta, því að stöðugt fjölgar
þeim, sem prófa þarf, og að sama skapi verður örðugra að koma
lögum yfir þá. í annan stað er á það að lita, að síðan 1929
eru ekki teknir fleiri en 25 nem. i 1. bekk, hversu margir sem
standast kunna inntökupróf, enda leyfir ekki húsrúm skólans
meira. En af þessu leiðir það, að sum börn, sem ekki hafa
náð inntöku, bíða til næsta árs og reyna þá aftur og, ef til
vill, í þriðja sinn, svo að þau, vegna mikils undirbúnings, verða
hærri á prófinu en önnur börn, sem minni hafa undirbúning, en
þó meiri gáfur og námsgetu. Hér er komið að atriði, sem er
alvarlegt ihugunarefni í sambandi við þetta mál og gerir inn-
tökuprófið vafasamt í þeirri mynd, sem það er.
Inntökupróf í æðri skóla á, að mínum dómi, að sýna tvennt:
gáfur nemendanna og kunnáttu þeirra í þeim greinum, sem
eru undirstaða alls skólanáms, en það eru lestur, skrift og reikn-