Menntamál - 01.06.1940, Síða 16

14
MENNTAMÁL
10. Þau orð, sem ekki voru rituð samkvæmt gildandi staf-
setningu, voru samræmd henni.
Framkvœmd.
Þegar búið var að telja um 5 þús. orð lesmáls, skáru al-
gengustu orðmyndirnar (rúml. 100) sig þegar úr um tíðni.
Voru þær þá teknar á lista, og i hvert sinn, sem einhver
þeirra kom fyrir í lesmálinu, var strikað yfir hana í bréfinu,
bókinni eða stílnum og sett eitt strik við sömu orðmynd á
listanum. Þannig var fyrst farið yfir allan flokkinn, og
var þá lokið að telja um helming lesmálsins. Þær orðmynd-
ir, sem þá voru eftir, að undanskildum eiginnöfnum og
ártölum, voru teknar á miða, ein á hvern, og miðunum
síðan raðað í stafrófsröð. Væri sama orðmynd á fleiri en
einum miða, voru miðarnir taldir og talan, sem táknaði
tíðni orðmyndarinnar, rituð á einn þeirra og hann látinn
á sinn stað í stafrófsröðina, en hinir lagðir til hliðar. Jafn-
framt voru algengustu orðmyndirnar, sem áður höfðu ver-
ið taldar og færðar á sérstaka lista, ritaðar á miða og settar
á réttan stað í stafrófsröðina. Þegar búið var á þennan
hátt að orðtaka alla flokkana, voru orðmyndirnar ásamt
tíðni þeirra færðar inn í bækur, en hverjum flokki þó
haldið sér. Því næst var tíðni orðmynda í hverjum flokki
lögð saman og heildartölu ártala og eiginnafna hvers
flokks bætt við. Að lokum voru svo niðurstööutölur allra
flokkanna lagðar saman. Úr þessum orðaforða voru að
síðustu valdar þær orðmyndir, er höfðu tíðni 10 eða hærri,
og er hér birtur listi yfir þær á bls. 26.
Helztu niðurstödur.
Helztu niðurstöður rannsóknarinnar eru þessar:
Alls nær talningin yfir 100227 orð venjulegs lesmáls.
Þar af eru 3530 eiginnöfn og 49 ártöl.
Heildartalan skiptist þannig milli einstakra flokka: