Menntamál - 01.06.1940, Qupperneq 62

60
MENNTAMÁL
frekar en áður var. Þeir hafa stöðvað á nokkrum sviðum
eðlilegan gang þjóðfélagsins, t. d. í skólamálum. Og þeir
kvað vera byrjaðir að „leggja að velli“ ungu, íslenzku stúlk-
urnar. Nokkrum klukkustundum eftir hertökuna voru
skólar Reykjavíkur orðnir að hermannaskálum, og nú ný-
lega hetur Hafnarfjarðarskóli einnig verið gerður að her-
mannaskála. Börn í þessum bæjum, sem áttu að stunda
nám í vorsköla, a. m. k. 5—6 vikna tima, voru nú rekin út
á götuna og kennararnir urðu að hrifsa kennsluáhöld og
bækur úr skólastofum, líkt og á flótta undan eldsvoða.
Margir hermenn hafa undanfarið dvalið í tveimur barna-
skólum Reykjavíkur, þeir hafa fyllt allar stofur og liggja
og sofa auk þess um alla aðalganga skólanna. Nú er vitan-
legt af sögu annarra þjóða, að hermönnum hefur jafnan
fylgt ýmiskonar óþokki. Hermenn hafa allra manna mest
útbreitt sóttir og sjúkdóma og siðspillingu. Þeir eru augna-
bliksins menn. Þar sem þeir dvelja, vilja þeir njóta þess,
sem bezt og hagkvæmast er að komast yfir. Eins og minnst
var á, er talið að íslenzkar stúlkur, aðallega frá 14—20 ára
séu ginnkeyptar fyrir hermönnum og séu farnar að leggja
lag sitt við þá. í þessu efni þyrfti að gera róttækar ráðstaf-
anir og koma í veg fyrir þá þjóðarhættu, sem stafað getur
af sambandi hermannanna við íslenzkar stúlkur. Þjóðin
óskar ekki eftir því böli, sem kynsjúkdómum fylgir, auk
annarra spillingar, sem slíku framferði er samfara.
Hvað skólunum viðvíkur, verður að gera þær kröfur, að
hermennirnir víki þaðan fyrir byrjun 1. okt. n. k. Á þess-
um tímum er ef til vill meiri þörf fyrir skólastarfsemi en
nokkurntíma ella. Eirðarlaus, stefnulaus börn i þúsunda-
tali í Reykjavík á næsta vetri, væri þjóðarböl. Skólinn
leggur börnum margskonar skyldur á herðar, færir þeim
tilgang inn í líf þeirra, heldur við starfsþörf þeirra og
leiðir þau í flestum tilfellum inn á heillavænlegar brautir.
Skólanum er að vísu í mörgu ábótavant; engum er það
augljósara en kennurunum sjálfum, en án skóla í nútíma