Menntamál - 01.09.1945, Side 9

MENNTAMÁL
119
gáfum, hæfileikum, heilsufari og þroska barna og unglinga,
og þá einkum í Reykjavík. Var þar margra ára starf fram-
undan, og væntu kunnugir af því mikillar nytsemdar fyrir
þjóðina.
Frá þessu sem öðru er hann nú sviplega horfinn. Hann
stóð til mikils frama og þó til meiri hagsemdar fyrir þjóð-
félagið. Hann var ekki lengur maður einnar stéttar eða
starfshóps. Hann var maður þjóðfélagsins. Þess vegna
nær harmurinn yfir missi hans út um víðar byggðir
landsins."
LÁRUS SIGURBJÖRNSSON,
rithöfundur og varaformaður Bandalags starfsmanna
ríkis og bæja, segir þannig í Morgunblaðinu:
„Slíkur maður sem Sigurður var hlaut að láta félagsmál
mikið til sín taka. Fyrst og fremst voru það mál kennara-
stéttarinnar, sem hann bar fyrir brjósti, og varð hann
mestur áhrifamaður í félagssamtökum kennara, átti sæti
í stjórn Sambands íslenzkra barnakennara frá 1934, en
formaður sambandsins frá 1937 til 1943. f beinu fram-
haldi þessa starfs gerðist Sigurður einn helzti hvatamaður
að stofnun Bandalags starfsmanna ríkis og bæja, og var
hann kjörinn fyrsti formaður Bandalagsins og var for-
maður þess til dauðadags. Fyrir hið mikla og ósérhlífna
starf, sem hann leysti af hendi í stöðu brautryðjandans,
færa í dag þakkir þúsundir starfsmanna ríkis og bæja á
íslandi, og Bandalag þeirra heiðrar minningu hans með
því að gera útförina á sinn kostnað.
Hér verða ekki rakin afskipti Sigurðar af ýmsum merk-
um félagsmálum. Mesta dagsverki skilaði hann fyrir heild-
ina. Undir forystu hans náðist það fram, að launalög voru
samþykkt á alþingi og tryggingarmálum opinberra starfs-
manna komið í gott horf.“