Menntamál - 01.09.1945, Side 30
140
MENNTAMÁL
Hve glöð er vor æska
Eitt af því, sem sýnir vaxandi velmegun okkar Islend-
inga hin síðari ár, er hin mikla bókaútgáfa.
Það, sem mest er þó um vert hvað þessa bókaútgáfu
snertir, er þó það, að meginþorri þessara bóka eru bækur,
sem verðar eru þess, að þær séu gefnar út, keyptar, lesn-
ar og geymdar.
Það er ekkert undarlegt, þótt fremur hljótt verði um
nokkrar barnasögur innan um öll hin stóru ritin, sem
kynnt eru alþjóð vikum og mánuðum saman í útvarpi,
blöðum og tímaritum, þegar þess er líka gætt, að þeir,
sem bókin er einkum ætluð til lestrar, eru vanari að láta
í ljós álit sitt á annan hátt en að skrifa í blöðin.
Á s.l. hausti kom á bókamarkaðinn lítil bók, „Hve
glöð er vor æska“, eftir Frímann Jónasson skólastjóra.
I bók þessari eru nokkrar barnasögur o. fl. Þótt bókin
sé einkum ætluð börnum, hygg ég, að margur fullorðinn
skemmti sér vel við lestur hennar.
Gott og lipurt mál er á sögunum, og víða hóglátri
gamansemi, sem vel fer á, fléttað inn í söguþráðinn, og
gerir það lesendum létt í skapi.
í vor las ég allmikið af sögum þessum fyrir þörn þau,
er hjá mér voru í vorskóla.
Undir lestrinum kváðu oft við glaðværir hlátrar frá
áheyrendunum, er gáfu til kynna meðmæli með sögunum.
— Þegar ég rita þessar línur, finnst mér, að ég eigi að "
skila til höfundar bezta þakklæti fyrir sögurnar frá smá-
fólkinu, sem ég las þær fyrir í vor.
Sögur þessar bera það með sér, að höfundur hefur
glöggan skilning á sálarlífi og hugsanaferli barna, og slær
því engin vindhögg, er hann ritar fyrir börn.