Menntamál - 01.12.1948, Page 24

130
MENNTAMÁL
manna gleypa þær í sig án þess að geta gert sér hina
minnstu grein fyrir gildi þeirra.
Hér er verkefni að vinna. Börn geta verið býsna gagn-
rýnin, ef þeim gefst kostur á því. Skólarnir geta beint þess-
ari gagnrýni á réttar brautir og unnið með því merkilegt
uppeldisstarf.
Samvinna foreldra og kennara.
Ýmsar tilraunir hafa verið gerðar til þess að stofna
félög kennara og foreldra til að ræða sameiginleg vanda-
mál. Þetta er í góðu skyni gert og mun jafnan hafa gefið
góða raun. Að vísu hafa ýmis þessara félaga lognazt út af
vegna lítillar fundarsóknar. Hins vegar lifa önnur góðu
lífi, og sagt er, að foreldrarnir sæki fast á um, að fundir
séu haldnir.
Það er erfitt að gera sér grein fyrir, hversu víðtæk þessi
starfsemi er. Fundanna er getið í fréttum blaðanna, og
slíkar fréttir eru það tíðar, að hægt er að láta sér detta í
hug, að þess konar félagsskapur sé mjög almennur.
En rannsókn, sem á þessu var gerð nýlega í Eystri-Mið-
löndum, leiddi það í ljós, að þar um slóðir starfaði hann
ekki við þrjá skóla af hverju hundraði.
Vitaskuld á sér æfinlega stað einhver samvinna milli
heimila og skóla. Foreldrar ræða við skólastjóra til að
mynda, þegar einhverjir árekstrar hafa orðið eða þeir
þurfa að leita ráða um atvinnuval. Þá koma foreldrar í
skólana á tyllidögum, t. d. skólasýningar og þess konar. —
Ýmislegt er félagsskap foreldra og kennara fundið til for-
áttu. Menn óttast, að hann verði fremur til þess að auka á
illdeilur en draga úr þeim. Enn fremur er á það bent, að
sumum börnum muni finnast, að viðhaft sé eitthvert bak-
tjaldamakk gagnvart þeim með þessu móti og þau muni
geta alið með sér þær hugmyndir, að þau séu beitt laun-
ráðum.
Ekki er óhugsanlegt, að þessar mótbárur geti haft við