Menntamál - 01.12.1956, Side 28

154
MENNTAMÁL
9. Hvernig hinir flokkarnir sögðu frá.
10. Hvernig hlustuðu krakkarnir á frásögnina?
11. Lærði ég nokkuð?
12. Prófið.
13. Hvernig geðjast þér að því að vinna á þennan hátt?
Við þessi atriði, eða önnur mjög lík, höfum við einnig
bundið okkur, nokkrir kennarar í Húsavík, síðan við tókum
að beita aðferðinni lítillega. Mun ég nú leyfa mér að birta
hér tvö sýnishorn af þessum ritgerðum, valin af handahófi.
Fyrra sýnishornið er frá Svíþjóð, en hið síðara frá Húsa-
vík.
Hvernig unnum við að starfssviðinu: Stokkhólmur — tré og járn.
„Við byrjuðum að vinna mánudaginn 19. janúar kl. 11.50. Nokkrir
drengir fóru með kennaranum niður í skólasafnið til að sækja heim-
ildabækur. Kennarinn talaði við okkur dálitla stund áður en við byrj-
uðum. Við gerðum líka vinnuáætlun um starfssvið okkar, Stokkhólm,
tré og járn. Því næst völdum við okkur verkefni. Eg valdi „siigunar-
verksmiðjur". Félagar mínir voru Sture Wallander, Göran Ohlson og
Svante Olson. Það var ég, sem stakk upp á þessu verkefni. Heimilda-
bækurnar, sem við notuðum, voru: „Svfþjóð" eftir Hagnell og Sved-
berg, og „Iðnaður Svíþjóðar", gefin út af Iðnaðarsambandi Svíþjóðar.
— Eg náði í iill aðalatriðin um verkefnið úr þessum heimildabókum.
Mér fannst ekkert sérstaklega erfitt. Það var tiltölulega auðvelt að
finna það nauðsynlegas'a í bókunum. Ég lijálpaði engum, af því að
enginn bað mig að hjálpa sér. Það hjálpaði heldur enginn mér. Við,
strákarnir í mínum flokki, undirbjuggum okkur allir.
Frásögn okkar strákanna í mínum flokki var ekki í bezta lagi. Gör-
an sagði bezt lrá. Mér fannst frásögn þeirra, sem höfðu verkefnið um
„Skansinn", vera langbezt. Eg geri mér ekki fulla grein fyrir, hverjir
jrað voru, sem sfigðu verst frá. Það var skemmlilegast að læra og
skrifa um timbur og „Skansinn". — Mér finnst ég hafa lært mikið á
því að vinna á þann hátt, sem við gerum í okkar bekk, og mér finnst
það líka fjarska skemmtilegt."
Hvernig við unnum um starfssviðið EVROPA í október 1953.
„í október unnum við um Evrópu þannig, að hvert barn fékk sér-
stakt land. Við drógum um verkefnin eða fengum að velja, og unnum
frjáls um þau, stundum heima, en mest þó í skólanum. Við gerðum
áætlun um jrað, hvernig við ætluðum að vinna, og talaði kennarinn
um það við okkur. Við unnum í flokkum, tveir í hverjtim flokki. Berta