Menntamál - 01.12.1956, Page 70

196
MENNTAMAL
samkennara hennar og á erindi til allra kennara, sem fylgj-
ast vilja með nýjungum.
Finnland.
Barnaskólarnir bíða þar afgreiðslu laga, sem eru til með-
ferðar í þinginu. Þau eiga m. a. að samræma barnafræðsl-
una og skapa grundvöll fyrir þróun skólamálanna í fram-
tíðinni. Afgreiðslan í þinginu hefur gengið hægt, en vonazt
er til að henni ljúki á þessu ári. Launalögin hafa einnig
tafizt, en þau miða að því að færa kennara á launaskrá
ríkisins.
Barnaskólinn í Finnlandi er 7 ára skóli. í sveitum hafa
verið framhaldsnámskeið 8. skólaárið með minnst 100 tím-
um. Svo stuttur kennslutími kemur vitanlega að takmörk-
uðu gagni, enda eru sveitirnar sjálfar óðum að breyta þessu
og bæta við fullkomnu skólaári, eins og er í bæjum.
Inntökupróf í menntaskólana er orðið landspróf, samið
af sérstakri prófnefnd, sem einnig setur strangar reglur
um úrvinnslu. Prófið er þreytt í menntaskólunum vor og
haust, og er einungis prófað í móðurmáli og reikningi,
bæði skriflegum reikningi og hugarreikningi. Umsögn fyrri
kennara um nemandann hefur einnig allmikið að segja.
Æfingamenntaskólar fyrir kennaraefni hafa nú verið
stofnaðir á tveimur stöðum utan Helsingfors. Æfinga-
kennslan fer hér eftir fram undir umsjá æfingaskólans, en
hefur áður verið undir umsjá prófessora í uppeldisfræði við
háskólann í Helsingfors.
Lengi hefur verið beðið eftir endurbótum á kennaraskól-
unum, enda starfa þeir að sumu leyti enn eftir lögum frá
1866. 'Ýmsar tillögur hafa komið fram, og eru þesar helzt-
ar: Tungumálakennslu skal auka, eitt erlent mál verði
skyldunámsgrein, en hægt verði að læra tvö. Sjálfstætt nám
skal efla og gefa nemendum kost á að leggja mesta áherzlu
á þær námsgreinar, sem áhugi þeirra beinist að, t. d. með
því að hafa deildaskiptingu, svipað og er í menntaskólum.