Menntamál - 01.08.1959, Page 107

MENNTAMÁL
201
Þar eru fundir haldnir mánaðarlega, en fundar- og að-
setursstaðurinn er sjálft skólahúsið. í stærri bæjum og í
borgum, þar sem fleiri skólar eru, starfa jafnmörg félög
og skólar. Allir foreldrar, kennarar og aðrir, er þess óska,
geta verið félagsmenn. Stjórn er kjörin árlega og um-
sjónarmenn hinna ýmsu verkefna tilnefndir.
Við stofnun játast hvert félag undir stefnuskrá og
meginreglur heildarsamtakanna, en semur að öðru leyti
sín eigin lög, þar sem nánar er greint frá verkefnum, en
auk þess kveðið á um starfsreglur og fundarsköp. Þá kýs
hvert félag einn fulltrúa í héraðsráð samtakanna. Þar
sameinast því kraftar hinna einstöku félaga til að vinna
að stefnumálunum. Héraðsráðin gangast t. d. fyrir al-
mennum ráðstefnum tvisvar á ári. Þar er venjulega að-
eins eitt mál tekið fyrir hverju sinni og störfum lokið á
einum degi.
Þá velja héraðasamböndin fulltrúa til fylkisráðs sam-
takanna, en þing þess er haldið einu sinni á ári og stend-
ur þá í nokkra daga. Þar eru m. a. fluttar skýrslur um
starfsemina í hinum ýmsu héruðum fylkisins, hlýtt á
ræður valinna fyrirlesara og kosið í ráð og nefndir til
undirbúnings næsta ársþingi.
Loks starfar svo landssambandið, myndað af kjörnum
fulltrúum allra fylkjasambandanna. Er það því samnefn-
ari allrar hreyfingarinnar og kemur fram í hennar nafni,
m. a. hjá sjálfri ríkisstjórninni, er þurfa þykir.
Útgáfustarfsemi. Hvert fylkissamband foreldrafélaga
gefur út mánaðarrit. Þar er sagt frá því, sem efst er á
baugi hverju sinni í starfseminni innan fylkisins. Birtar
eru fregnir af nýjum bókum og kvikmyndum, er starfið
snerta, og sagt frá því helzta, sem í vændum er á vegum
samtakanna. Enn fremur flytur tímaritið greinar eftir
ýmsa sérfræðinga, einnig ávörp forstöðumanna heildar-
^amtakanna.