Menntamál - 01.08.1959, Qupperneq 109

MENNTAMÁL
203
að vegna sérstakrar starfsemi, t. d. með því að senda leið-
beinendur eða sérfræðinga til þinga eða námskeiða, við-
komandi að kostnaðarlausu.
Yfirleitt eru öll störf, er félagsfólk vinnur í þágu sam-
takanna, ólaunuð. Launaðir eru aðeins ritarar í aðalbæki-
stöðvum fylkjasambanda og landssambands.
Og þótt félagssamtök þessi séu víðtæk og vinnufrek, eru
þau ótrúlega vel vakandi. Þetta má fyrst og fremst þakka
vakandi áhuga og starfsvilja félaganna, ekki sízt forystu-
mannanna. Ýmsir þeirra fórna bæði af tíma sínum og fé
í þágu hinna stærri og ekki síður hinna smærri félags-
heilda.
Frá afgreiðslu Menntamála.
Fyrsta hefti þessa árgangs var sent til nokkurra manna,
er hafa ekki verið kaupendur ritsins og eru ekki í Sam-
bandi íslenzkra barnakennara eða Landssambandi fram-
haldsskólakennara. ,
Það eru vinsamleg tilmæli til þessara manna að endur-
senda ritið eða láta afgreiðsluna vita á annan hátt, ef
þeir vilja ekki gerast kaupendur.
*
Af árgöngunum 1938—1958 eru til nokkur eintök í heild.
Þessir 20 árgangar fást hjá afgreiðslunni og kosta kr.
500,00. Nokkuð er einnig til af eldri árgöngum og ein-
stökum heftum.
*
Látið afgreiðsluna vita, ef vanskil verða á ritinu.