Menntamál - 01.08.1959, Page 120

214
MENNTAMÁL
BRODDl JÓHANNESSON:
Ferð um Bandaríki Norður-Ameríku
á öndverðu ári 1958.
Fyrir rúmu ári átti ég þess kost að ferðast um Banda-
ríkin. Bar tvennt til, menntamálaráðuneyti íslands veitti
mér orlof samkvæmt heimild í lögum um orlof kennurum
til handa og ríkisstjórn Bandaríkjanna veitti mér sex
mánaða styrk, samkvæmt Public Law 402, 80th Congress,
United States Information and Educational Exchange Act
of 1948 og Public Law 584, 79th Congress, the Fulbright
Act. Eru styrkir þessir oft kallaðir Fulbright-styrkir.
Með styrknum var veittur ferðakostnaður að heiman og
heim, fargjöld um Bandaríkin og dagpeningar. Auk þess
100 dollarar til bókakaupa.
Styrkur þessi er ekki aðeins stórfé í dollurum talið,
lieldur opnar hann forvitnum ferðalang allar gáttir. Að
formi til er það Department of State, sem styrkinn veitir,
en í framkvæmd sér Office of Education um styrkþega.
Námsferðir þessar eru frábærlega vel undirbúnar.
Kannað er, hvaða efni styrkþegi kýs að leggja stund á,
og eru þeir staðir síðan fundnir, er bezt hæfa þörfum
hans. Helzt virtist mér ástæða að gæta þess, að dagskrár
manna væru ekki ofhlaðnar, svo að lítið tóm yrði til
hvíldar, en mikil ferðalög í framandi landi eru ávallt
erfið. Upplýsingaþjónusta Bandaríkjanna og menntastofn-
un Bandaríkjanna á íslandi annaðist fyrirgreiðslu, áður
en lagt var af stað, en menntamálaráðuneytið í Washing-
ton tók við gestum, er vestur kom. Mr. Edgar Bovrup
menningarfulltrúi upplýsingaþjónustu Bandaríkjanna í