Æskan - 01.05.1966, Blaðsíða 19

Hér sjást fjórir Oscarsverðlaunahafar með verðlaun sín. Talið frá vinstri: Lee Marvin, sem
kjörinn var bezti leikari ársins, Julie Christie, sem var kjörin bezta leikkona ársins, Shelley
Winters, bezta leikkona í aukahlutverki, og Martin Balsam, bezti ieikari í aukahlutverki.
í april ár hvert er „The Academy o£ Motion
Picture Arts and Science“ frægasta stofnunin í kvik-
myndaborginni Hollywood, því að um þær mundir
veitir þessi fræga liststofnun verðlaun sín fyrir
ágætustu afrek í kvikmyndaleik og leikstjórn á
liðnu ári. Verðlaunin eru ofurlítil standmynd, sem
nefnist „Oscar“. Og að fá þessa litlu standmynd er
mesta vegtylla, sem nokkrum kvikmyndaleikara get-
ur hlotnazt, og kvikmyndafélögin græða stórfé á
þeim, sem heiðurinn hljóta.
Eigendur kvikmyndahúsa halda því fram, að þeg-
ar kvikmynd fái Oscarsverðlaunin, þá þýði það, að
myndin hafi tvisvar til þrisvar sinnum meiri sýn-
ingartekjur en ella. Allir, sem sjá kvikmyndir, vilja
sjá, hvernig myndin er, sem talin er sú bezta. Og
Oscarsstytturnar geta líka orðið meira virði þeim,
sem eignast þær, en þótt þeir fengju jafnþyngd
þeirra í gulli. Sá leikari, sem vinnur verðlaunin,
á heimtingu á, að næstu 12 mánuði á eftir standi
orðin „Vinnandi verðlauna" undir nafni lians á
kvikmyndaauglýsingunum. Kvikmyndaframleiðend-
urnir reyna í margar vikur á undan að komast að
því, hverjir muni vinna verðlaunin næst, svo að
þeir geti gert samninga við hlutaðeigandi leikend-
ur og grætt á frægð þeirra.
Að þessu sinni hlaut brezka kvikmyndaleikkonan
JULIE CHRISTIE Oscarsverðlaunin fyrir leik sinn
í kvikmyndinni „Darling", sem John Schlesinger
stjórnar. Aðrir aðalleikendur í þeirri mynd eru
Dirk Bogarde, Roland Currarn og Jose Luis de
Villalonga. Julie Christie hefur átt flestum stall-
systrum sínum skjótari braut upp á himin frægðar-
innar. Frumraun hennar á hvíta tjaldinu var í auka-
hlutverki í kvikmyndinni „Billy Liar“. Þá kom hún
fram í tíu mínútur og hlaut fyrir þær viðtökur, að
Schlesinger fékk hana til þess nokkru síðar, eftir
miklar fortölur þó, að taka að sér aðalhlutverkið í
„Darling", sem hún liefur nú fengið fyrir hin eftir-
sóttu verðlaun.
Bandaríski leikarinn Lee Marvin fékk styttuna
fyrir hlutverk sitt í kúrekaádeilunni „Cat Ballou".
Bezta kvikmynd ársins var kjörin bandaríska söng-
myndin „The Sound of Music“, en þar fór önnur
brezk leikkona, Julie Andrews, með aðalhlutverkið.
Shelley Winters fékk verðlaun fyrir beztan leik í
aukahlutverki kvenna, og er hún fyrsta leikkonan,
sem fær þessi verðlaun tvívegis. í fyrsta sinn var
það fyrir aukahlutverk í „Dagbók Önnu Frank"
árið 1959. Robert Wise fékk verðlaun fyrir bezta
leikstjórn.
L
219