Æskan - 01.11.1984, Síða 44

„EFNI BOKARINNAR VAKTI
MARGA TIL UMHUGSUNAR“
— segir höfundur bókarinnar
„Barnið hans Péturs“
Árið 1977 endurútgaf Æskan bókina Barnið hans
Péturs eftir sænska rithöfundinn Gun Jacobson. Um
svipað leyti sýndi sjónvarpið sænskan framhalds-
myndaflokk í 4 þáttum sem gerður var eftir sam-
nefndri bók. Æskan gaf þessa bók út í tveim upp-
lögum en hún er nú uppseld.
í grófum dráttum fjallar Barnið hans Péturs um 15
ára strák sem tekur að sér ungbarn sem hann átti
með jafnöldru sinni. í byrjun bókarinnar er Pétri lýst
sem töffara; hann reykir og drekkur bjór. En allt í einu
tekur líf hans á sig nýja mynd. Maríanna, barnsmóðir
hans, er að flytja úr bænum og þröngvar honum til að
taka að sér barnið. Hún segir að það sé alveg eins í
hans verkahring og hennar að sjá um barnið. Pétri
líst ekkert á blikuna fyrst í stað en smám saman
sættir hann sig við nýja, óvænta hlutverkið. Honum
fer að þykja mjög vænt um barnið og finnur til
mikillar ábyrgðar gagnvart því. Líf hans hefur öðlast
nýjan tilgang. Lesendur fá að fylgjast með honum í
öllum erfiðleikunum sem hann þarf að sigrast á.
Gun Jacobson er 54 ára. Hún er þekktur rithöfund-
ur í Svíþjóð og hefur skrifað 16 bækur fyrir börn og
unglinga. Þær hafa verið þýddar í Noregi, Danmörku,
Þýskalandi og Japan, auk íslands. Bækurnar um
hann Pétur eru þrjár en aðeins sú fyrsta hefur komið
út hér á landi. í Svíþjóð hafa bækurnar selst í rúm-
lega fimmtíu þúsund eintökum. Gun Jacobson var
stödd hér á landi í júlí sl. vegna Alþjóðlegrar menn-
ingarráðstefnu I.O.G.T. (Góðtemplarahreyfingarinn-
ar). Blaðamaður Æskunnar hitti hana stuttlega að
máli á Hótel Loftleiðum sama dag og hún hélt utan
aftur. Umræðan hófst á Barninu hans Péturs.
Gun sagði að bókin hefði vakið mikla athygli í
Svíþjóð þegar hún kom út. „Efnið þótti óvenjulegt og
vakti marga til umhugsunar. Það var sjaldgæft að 15
ára strákur gengi barni bæði í móður- og föðurstað",
sagði hún. „Svo þótti mörgum spennandi að fylgjast
með þeirri breytingu sem varð á Pétri; hvernig hann
snerist frá kalda töffaranum í virkilega góðan og
ábyrgan pabba. Einnig veltu lesendur því fyrir sér
hvort strákar gætu ekki og ættu ekki alveg eins og
einstæðar mæður að ala upp börn sín.“
- í bókinni er komið allnokkuð inn á áfengis-
neyslu. Pétur drekkur bjór eins og svo margir aðrir
unglingar í Svíþjóð og pabbi hans er alkóhólisti. Ég
spurði Gun hvort hún fjallaði alltaf um áfengis-
neysluna í bókum sínum. - Það var auðséð á henni
að spurningin kom ekki á óvart. Líklega hefur hún oft
verið spurð þessarar spurningar einkum fyrir það að
margir vita að hún er bindindismaður.
BJÓRDRYKKJAN VANDAMÁL
í SVÍÞJÓÐ
„Ég tek áfengið fyrir í nokkrum verka minna - ekki
öllum. Þó fjalla ég ekki um áfengið eitt og sér því
áfengisneysla er svo oft tengd ýmsum öðrum félags-
legum þáttum, afleiðinga af öðru. Bjórdrykkjan ert. d.
stór þáttur í lífi ungmenna í Svíþjóð og því ekki
einkennilegt að hún komi nokkuð við sögu þegar
unglingabók er skrifuð. Ég hef áhuga á því að opna
augu unglinganna fyrir því böli sem áfengið er og öllu
því rótleysi og tilgangsleysi sem það býður upp á.
Bjórneysla unglinga er vandamál í Svíþjóð, það vita
allir. Flestir unglinganna leiðast út í drykkjuna til að
sýnast. Strákar til að sýnast töffarar og stelpurnar til
að vera með í klíkunum. Pétur er eins og margir aðrir
unglingar; hann vill sýnast áræðinn og fullorðinn. En
það er grunnt í mannlegu tilfinningarnar í honum. Það
sýnir sig þegar hann þarf að taka á sig ábyrgð og
hugsa um barnið. Þá vill hann leggja allt í sölurnar
fyrir það. Líf hans hefur tekið nýja stefnu - öðlast
tilgang."
Þegar við Gun höfðum rætt efni bókarinnar fram
og aftur snerust hlutverkin við um tíma. Hún fór að
spyrja mig um íslenskar barna- og unglingabækur;
hvað þær væru prentaðar í stóru upplagi, hvað höf-
undar fengju fyrir þær, um hvað þær fjölluðu, hvað
höfundarnir væru margir og svo framvegis. Hún hafði
lesið nokkrar bókanna sem komið höfðu út á Norður-
löndunum.
Ég reyndi að greiða úr spurningum hennar eftir því
sem þekking leyfði og þegar hún hafði gert sig
ánægða með svörin forvitnaðist ég svolítið um hana
sjálfa.
44