Æskan - 01.12.1987, Qupperneq 11

LJÓÐASKRÁ
JÓL
Á jólunum Jesús fœddist,
í jötu var rúmið hans,
en englarnir sungu og syngja
í sálu hvers dauðlegs manns.
Því hann var í heiminn sendur
á heilagri jólanótt
að minnka hjá okkur öllum
það allt sem er dimmt og Ijótt.
Hann þekkti hvað var að vera
svo veikt og svo lítið barn;
hann blessaði litlu börnin
svo blíður og líknargjarn.
Hann brosti þeim eins og bróðir
og bros hans var dýrleg sól;
hann fól þau í faðmi sínum
og flutti þeim himnesk jól.
Hann sá inn í sálir þeirra,
hann sá þeirra hjartaslátt;
hann gladdist með þeim í gleði
og grét ef þau áttu bágt.
Þau komu til hans í hópum,
og hvar sem hann fór og var
þá fundu það blessuð börnin
að bróðurleg hönd var þar.
Og því verður heilagt haldið
í hjarta og sálu manns,
um eilífð í öllum löndum
á afmœlisdaginn hans.
Sig. Júl. Jóhannesson
Jólakvæðið er eftir Sigurð Júlíus Jóhannesson, fyrsta ritstjóra Æskunnar. Hann nam læknisfræði í Kanada og starfaði
þar. Hann var gott skáld og eftir hann hafa verið gefin út ljóð og sögur. Honum lét einkar vel að skrifa fyrir börn og
það er samdóma álit manna að Æskunni hafi verið mikið lán að hann var valinn fyrsti ritstjóri blaðsins.
17. og 8. tbl. Æskunnar 1987 er ítarleg grein um Sigurð Júlíus eftir sr. Björn Jónsson á Akranesi.
11