Æskan - 01.12.1987, Síða 75

veg alveg uppi við gróðurhúsin. En
ósköp fór hann klaufalega að þessu
öllu saman.
Á lögreglustöðinni hittum við yfir-
lögregluþjóninn. Ég sagði honum frá
öllu sem gerst hafði síðasta sólarhring-
inn. Hann skrifaði allt hjá sér og bað
okkur Geirlaug síðan að koma með
að Skuggabjörgum, vísa á hassið og
Baldur.
Þegar við komum upp í Skuggadal
var enginn heima og allt læst og lok-
að. Við sýndum lögreglunni gróður-
húsin og var svo leyft að fara heim.
Daginn eftir var ég kallaður til lög-
reglustöðvarinnar á ný. Baldur hafði
komið heim með konuna og drenginn
seint um kvöldið. Þar beið lögreglan
og var hann tekinn fastur umbúða-
laust. Við yfirheyrslur játaði hann að
hafa unnið skemmdarverk bæði á húsi
mínu og bíl. Hann hafði ætlað að láta
Vumma litla segja að álfarnir hefðu
verið þar að verki. Sönnunargögn um
hassræktina voru svo augljós að Bald-
ur reyndi ekkert að þræta fyrir hana.
Þegar hann var spurður um ógnanir
við mig og notkun hnífsins þá vissi
hann ekki hvað hann átti að segja.
Þetta hafði allt verið illa skipulagt hjá
honum og fór líka allt í vitleysu.
Að sjálfsögðu var Baldri stungið
inn. Hann var ekki dæmdur í mjög
langa fangelsisvist. Konan var víst feg-
in að losna við hann og Vummi litli
fagnaði ákaft.
Sjálfur var ég mjög ánægður að geta
snúið mér án truflana að því að leggja
veginn um Skuggadal.
Sögulok.
barnaleikrit með söngvum og döns-
um. Það nefnist Sætabrauðskrakkinn
og gerist á hillu í eldhúsi að nóttu.
Hlutirnir á hillunni lifna við og hafa
ýmislegt til málanna að leggja þegar
Gauksklukkan missir röddina. Sæta-
brauðskrakkinn (leikinn af Ellert
Ingimarssyni), ungfrú Pipra (Alda
Arnardóttir) og herra Salti (Bjarni
Ingvarsson) vilja forða klukkunni frá
að lenda í ruslafötunni hjá „þeim
stóru“ (fullorðnu fólki) — en mafíu-
foringinn Sláni mús ( Grétar Skúla-
son) og Gamla hlussan (Saga Jóns-
dóttir) leggja steina í götu hans.
Áhorfendur hafa tekið þátt í sýn-
ingunni af miklu fjöri — eins og að er
stefnt og ætlast til.
Þórir Steingrímsson er leikstjóri,
Sigurður Marteinsson stjórnar hljóm-
sveit og Helena Jóhannsdóttir samdi
dansa og æfði. Höfundur leikritsins er
David Wood en Magnea J. Matthías-
dóttir íslenskaði.
75