Skírnir - 01.12.1919, Blaðsíða 58

264
Færeysk þjóðernisbarátta.
[Skírnir
ar, og það var ekki fyr en nú, að fræðimenn gátu fengið
ljósa hugmynd um færeyska tungu og afstöðu hennar við
fornmálið og frændmálin. Hitt ritið var nýtt kvæðasafn
(Færöiske kvæder 1855). Þau kvæði, sem þar eru
gefin út, eru flestöll um forn norræn efni og mörg þeirra
merk.
Nú var starfi Hammershaimbs fyrir færeyskar bók-
mentir lokið að sinni. Hann fékk brauð í Norðurstraum-
ey 1855 og varð sex árum síðar prófastur Færeyja. Úr
þessu átti hann svo annríkt, að hann gat engum ritstörf-
um sint. Hvað eftir annað skoraði Svend Grundtvig vin-
ur hans á hann að halda áfram því verki, sem hann hafði
byrjað svo vel. Raunar var um þetta leyti búið að safna
svo mörgum kvæðum, að ætla mátti, að lítið væri eftir.
En samt var nóg að gera enn. Eldri söfnin, sem sum
voru heldur bágborin, þurfti að hreinrita, þannig að skip-
að væri saman þeim uppskriftum, sem til voru af sama
kvæði; erindi, sem kynni að vanta í, þurfti að spyrja
uppi og margt þvílikt. Fyr en þetta væri gert var ekki
viðlit að láta prenta kvæðin. Til að standa fyrir þessu
verki var Hammershaimb sjálfkjörinn. En hann færðist
undan og bar fyrir sig embættisannir. Þá réð Grundvig
af að taka sjálfur að sér starfið. Til hjálpar sér fékk
hann mág sinn, Jörgen Bloch arkífssekretéra, er var mað-
ur vel að sér í norðlenzkum málum, einkurn færeysku.
1871 tóku þeir félagar að afrita ö)l færeysk kvæði, sem
þá voru kunn, í eitt safn, og var ætlast til að það yrði
undirbúningur að útgáfu, sem Hammershaimb skyldi standa
fyrir. Og þó að útgáfan kæmi, væri safnið ekki einskis
vert fyrir því, því að aldrei myndi koma til mála af gefa
út alí það efni, sem til var, og þá væri mikill hagur, að
það væri alt komið saman í einn stað og auðvelt aðgöngu.
Eftir fimm ár var lokið við að afrita öll kvæði, sem
menn þektu þá, um 7300 blaðsíður í 15 þykkum bindum.
En þeir Bloch og Grundtvig létu ekki þar við lenda.
Næst tóku þeir að semja færeyska orðabók. Eins og fyr
er getið hafði Svabo sarnið orðabók áður, sem til var í