Skírnir - 01.12.1919, Blaðsíða 66

272
Færeysk þjóðernisbarátta.
[Skírnir
gjalda Færeyjum ákveðna fjáruppkæð á hverju ári úr
ríkissjóði. Með þjóðlyndum Færeyingum vakti þetta til-
boð mikinn fögnuð, en andstæðingarnír máttu ekki af
neinu sjálfræði vita. Undir forustu Olivers Effersoe, bróð-
ur Rasmusar, börðust þeir hnúum og hnefum móti því að
boðinu yrði tekið og töldu almeningi trú um, að ætlunin
væri sú, að slíta Færeyjar frá Danmörku og steypa þeim
í fullkomna glötun. Ef Færeyingar ættu að ráða fjár-
málum sínum sjálfir, yrði að hækka alla skatta svo fram
úr hófi, að enginn mundi geta risið undir. Þetta hreif.
Við fólksþingskosningar var Jóannesi steypt og Effersöe
kjörinn i hans stað með miklum meirihluta. Þá var úti
um alla færeyska sjálfstjórn að sinni.
Eftir þetta höfðu sambandsmenn völdin í tólf ár. En
smátt og smátt óx andstæðingunum fiskur um hrygg.
Fyrsti boðinn um sigur þeirra var það, er hinn ungi, öt-
uli málfærslumaður EdwarcL Mortensen var kosinn til fólks-
þingsmanns 1915. Hann taldi sig raunar ekki til sjálf-
stjórnarflokksins en stóð honum þó næst í öllu. Og 1918
komust loks sjálfstjórnarmenn í meiri hluta í lögþinginu.
Fyrsta verk þeirra þar var að senda menn til íslands til
að semja um sameiginlega verzlun við Ameríku.
Sama ár var Jóannes Patursson gerður landsþings-
maður og það er hann enn.
Hann hefir samið fjöldann allan af blaðagreinum um
ýms efni, einkum búnaðarmál og pólitík. Allar eru þær
ritaðar á færeysku, og er það fátítt þar í landi. Einkum
er ástæða til að minnast á greinar hans um íslenzk efni.
Hann hefir ávalt fylgst mætavel með í íslenzkum málum
og viljað láta Færeyinga snúa sér meira til Islands en
þeir hafa gert. Oft hefir hann kveðið niður ýmsan róg,
sem Dimmaiætting hefir borið út um ísland í því skyni
að hræða Færeyinga frá þvi, að fara að okkar dæmi og
heimta meira sjálfstæði. í þessu sambandi má og geta
þess, að hann á íslenzka konu, og talar svo vel okkar
mál, að slíkt mun fátítt um erlendan mann.
Einnig um skáldgáfu sver Jóannes sig í ætt við lang-