Skírnir - 01.12.1919, Qupperneq 74

280
Pæreyek þjóðernisbarátta.
[Skírmr
í Búreisingi átti Dahl fróðlega grein um Skúlaskap
í Foroyum; hann rekur þar sögu færeyskra skóla og tel-
ur það rnikla ógæfu, að öll mentun hefir verið reist á út-
lendum grundvelli. Kenslan fer fram á annarlegu máli,
og heimalandinu er lítið skeytt. Hann tekur þar upp þá
tillögu, sem áður hafði verið borin fram í Foringatíðind-
ura, að Færeyingar þurfi að eignast lærðan skóla. Þjóðin
sé svo stór, að hans sé full þörf, og ábyrgðarhluti að láta
menn, er síðar eiga að verða leiðtogar hennar, ganga í
skóla í Danmörku frá unga aldri, því að hætt sé við, að
það sljóvgi þjóðrækni þeirra. Það sé og sjálfsagt, að gefa
svo mörgum Færeyingum kost á að ganga mentaveginn,
að eigi þurfi að skipa færeysk embætti dönskum mönnum.
Dahl hefir samið einu færeysku málfræðina, sem til
er á færeysku, og farist það vel úr hendi (Foroysk mál-
lœra 1908). Hann hefir gefið út gamla Færeyjalýsingu,
er presturinn Thomas Tarnovius samdi á dönsku 1669;
hún er t. d. merk að því, að þar er fyrst lýst færeyskum
dansi. Kvæði hefir Dahl líka ort, en er þó einkum
sálmaskáld, hefir meðal annars snúið ýmsum sálmum úr
íslenzku. Síðan 1914 hefir hann verið ritstjóri að Kriste-
ligt Ungdomsblad for Fmrome; það blað var aldanskt, þá
er Dahl tók við því, en innan skams varð það alt fær-
eyskt, nema nafnið, i höndum hans. Meðal þess mikla,
sem hann hefir ritað þar, er ágæt þýðing á Davíðs
sálmum.
Eftir að Evensen var látinn, varð Dahl prófastur
Færeyja, þó að ekki gengi það hljóðlaust eins og geta
má nærri.
Jens Hendrík Oliver Djurhuus (f. 1881) tók 1911 próf í
lögfi'æði, og hefir nú embætti við krímínalréttinn í Kaup-
mannahöfn. En samhliða þeim störfum hefir hann iðkað
ljóðagerð. Fyrsta kvæði hans kom út í Búreisingi, og
mörg síðar í Tingakrossi. 1914 gaf færeyska stúdentafé-
lagið út eftir hann ljóðabók (Yrkingar). Hann er mikill
snillingur á mál sitt, og ber ekki á, að það bregðist hon-