Valsblaðið - 24.12.1967, Síða 14

12
VALSBLAÐIÐ
Valsfélagargefiðgaum að,,,
Margskonar eru þeir erfiðleik-
ar, sem steðja að frjálsu félags-
lífi og margvíslegur er sá vandi,
sem ber þeim að höndum, sem
starfa að félagsmálum, og þá ekki
sízt íþróttamálefnum. Bera þar
erfiðleikarnir oftast að sama
brunni — fjárskortinum. En pen-
ingarnir eru nú einu sinni afl
þeirra hluta sem gera skal. Fjár-
vana fyrirtæki, hvort heldur eru
félög eða önnur, er skapaður sá
þröngi stakkur, sem torveldar
framkvæmdir og dregur úr eðli-
legri þróun. Félag vort, Valur, með
sína margþættu starfsemi, er hér
engin undantekning. Fjárskortur-
inn er yfirleitt sá þrítugi hamar,
sem hvað erfiðast er að klifa.
Fyrir rúmu ári síðan tók Valur
að sér umboð fyrir Tryggingamið-
stöðina h.f. í þeim tilgangi að
drýgja nokkuð rýrar tekjur sínar
með þeim umboðslaunum, sem fé-
lagið fengi fyrir það að útvega
tryggjendur. Nokkurn fjárhags-
legan árangur hefur þetta borið, en
það þarf að herða róðurinn á þess-
um miðum, því það hefur sýnt sig,
að með auknum krafti er þarna
fengs von, sem verulegur fjár-
hagsstuðningur gæti orðið að
fyrir félags- og íþróttastarfið í
heild-
Það eru því eindregin tilmæli
stjórnar félagsins til allra Vals-
félaga, að þeir bæði beini trygg-
ingum sínum til umboðs Vals hjá
téðu tryggingafélagi, og fái aðra
til að gera það einnig. Meðal ann-
ars bifreiðatrygginga, en þá þarf
að segja upp fyrri tryggingum
fyrir 1. febr. ár hvert, svo og öðrum
tryggingum, sem um gæti verið að
ræða.
Nánari upplýsingar í þessu sam-
bandi er að fá hjá formanni fé-
lagsins og formönnum deildanna í
félagsheimili Vals að Hlíðarenda.
Stjórn Vals.
3. flokkur B, Iíeykjavíkur- og miðsumarsmeistarar.
Fremri röð frá vinstri: Ólafur Magnússon, Sigurður Svavar Sigurðsson, Jafet Ólafs-
son, Guðgeir Friðjónsson, Þórður Hilmarsson.
Aftari röð: Elías Hergeirsson, form. knattspyrnud., Snorri Guðmundsson, fyrirliði,
Þór Gunnarsson, Einar Þór Vilhjálmsson, Bragi Björnsson, Stefán Jóhannsson,
Símon Svavarss., Róbert Jónsson, jijálfari. Á myndina vantar nokkra drengi.