Valsblaðið - 01.05.1987, Side 51

Heim á Hlíðarenda
Heim á Hlíöarenda.
Ársins 1983 verðurminnstsem merkisárs í íslenskri íþróttasögu. Þá
fór fram fyrsti íslenski 1. deildar knattspyrnuleikurinn á félagsvelli -
heimaleikur Vals að Hlíðarenda. Langþráð markmið var orðið að veru-
leika. Þeir sem söguna rita og dæma síður munu telja þennan atburð
marka þáttaskil í þróun íslenskra íþróttamála. Nú hefur annað reyk-
vískt íþróttafélag, KR fylgt í fótspor Vals og flutt heimaleiki sína í 1.
deild á eigið félagssvæði. (þróttabandalag Akraness (ÍA) hefur yfir-
tekið rekstur íþróttavallarins á Akranesi og leikur því 1. deildar leiki
sína á „eigin“ heimavelli.
Þetta er ánægjuleg þróun og íslenzkum íþróttum til framfara. For-
senda þess að íþróttafélögin geti starfað og dafnað er að þau séu ekki
leiguliðar í opinberum mannvirkjum, að þau geti haft allt sitt starf
íþróttaiðkun, íþróttakeppni og félagsstarf á eigin félagssvæði.
Valsmenn börðust lengi og oft harðri baráttu stundum einir innan
íþróttahreyfingarinnar til þess að heimaleikir í knattspyrnu kæmust á.
Fyrst varð að breyta reglum um tekjuskiptingu í 1. deild á þingi Knatt-
spyrnusambandsins. Það mál komst fyrst í höfn 1980. Þegar Vals-
menn fluttu það mál 1976 voru þeir sakaðir um frekju. í dag dettur
engum í hug að hverfa til „gamla“ tímans og er það vel. Því miður var
málið ekki strax í höfn. Þegar Valur ætlaði að leika sína heimaleiki á
Hlíðarenda krafðist borgin sérstaks gjald fyrir viðhald vallarins á Hlíð-
arenda. Var forsenda sú að Valur færi nú að hafa tekjur af vellinum og
Laugardaglsvöllur missti tekjur af leikjum Vals þ.e. vallarleigu og tekjur
af veitingasölu. Varð Valur eitt félaga að greiða þetta gjald í fyrstu, en
það hefur nú verið fellt niður.
Áfram skal haldið. Næsta stóra viðfangsefnið er að flytja keppni og
allar æfingar í handknattleik og körfuknattleik heim á Hlíðarenda.
Æfingar í þessum greinum eru nú stundaðar í leiguhúsnæði á þremur
stöðum í borginni. Heimaleikir Valsfarafram í Laugardalshöll og Selja-
skóla í Breiðholti. í ár rætist sá stóri draumur að Valur getur flutt heim
á Hlíðarenda bæði íþróttaæfingar og heimaleiki sína í handknattleik
og körfuknattleik. Valur verður því fyrst reykvískra íþróttafélaga til
þess að leika heimaleiki í þessum írþóttagreinum í eigin félagshúsi.
Þessar framkvæmdir leggja miklar skyldur á herðar okkar Vals-
manna. Á aðalfundi Vals 1986 voru samþykktar breytingar á lögum
Vals, sem hafa það markmið að treysta innviði félagsins og styrkja
stjórnun. Á síðasta ári var það skref stigið að ráða framkvæmdastjóra
til starfa hjá félaginu. Reykvísku íþróttafélögin eiga því miður við vax-
andi tilvistarvanda að glíma, vegna deildarskiptingar. Hjá þessu
vandamáli vilja Valsmenn komast. Valsmenn ætla áfram að vera í einu
sameinuðu félagi Knattspyrnufélaginu Val.
Með Valskveðju
Pétur Sveinbjarnarson
• Pétur Sveinbjarnarson, formaður Vals.