Valsblaðið - 01.05.1987, Blaðsíða 27

Andstæðingamir
segja álit sitt
á Valsliðinu
Leika að hætti atvinnumanna
„Valur er mjög gott lið“ sagði Peter
Keeling, þjálfari Keflvíkinga í stuttu
spjalli við Valsblaðið. „Að mínum
dómi vinna þeir deildina auðveld-
lega i ár,“ hélt hann áfram. „Vals-
menn leika skipulega, nánast að
hætti atvinnumanna. Liðið væri án
efa á toppnum í norsku deildinni og
það myndi spjara sig vel í þeirri
sænsku.“
Góður mannskapur og gott
lið
„Valsmenn eru frískari nú en mörg
undanfarin vor,“ segir Ásgeir
Elíasson, þjálfari íslandsmeistara
Fram. „Þeir eru gífurlega sterkir lík-
amlega og af þeim sökum erfiðir
viðureignar. Þar fyrir utan eru þeir
Valsmenn með góðan mannskap og
því er liðið gott á heildina litið."
Besta vorlið í áraraðir
„ Valur er besta vorlið sem ég hef séð
í áraraðir,“ sagði Jóhannes Atlason,
þjálfari Þórs á Akureyri, í spjalli við
Valsblaðið. „Það er geysileg ferð á
leikmönnum liðsins og þeir hafa mik-
inn líkamlegan styrk. Það verður
spennandi að sjá hvort þeir halda
þessari keyrslu til haustsins."
Áberandi sterkasta liðið
„Valur er að mínum dómi með áber-
andi sterkasta liðið,“ sagði Guð-
mundur Ólafsson, þjálfari Völsungs
á Húsavík. „Þeir ieika mjög agaða
knattspyrnu og hvergi sé ég veikan
hlekk í liðinu. Liðsheildin er góð og
þeir Valsmenn verða fljótlega í topp-
baráttu, - þar verður þeirra staður í
sumar.“
Valsmenn eru illvígir
„Styrkleiki Valsliðsins liggur að
mínum dómi i tvennu, annars vegar
í samstilltri vörn og hins vegar í meiri
breidd en almennt þekkist hér á
landi,“ segir Hörður Helgason, þjálf-
ari KA-liðsins. „Á bekknum sitja til að
mynda mjög sterkir leikmenn og á
því sviðinu standa önnur lið veikari
fótum. Að sögn eru Valsmenn illvígir
um þessar mundir. Ef þeir verða í
þeim hamnum út mótið fá önnur fé-
lög vart stöðvað þá.“
Samansafn af sterkum
leikmönnum
„Ég þekki nokkuð vel til liðsmanna
Vals,“ sagði Guðjón Þórðarson,
þjálfari bikarmeistaranna frá Skipa-
skaga. „Þetta er samansafn af
sterkum leikmönnum. Hjá þeim er
síðan grimm samkeppni um stöður
og sú rimma kemur liðinu til góða.
Vörn liðsins er öflug og tengiliðirnir
eru útsjónarsamir, sem sagt góð
liðsheild."
„Valur er reynsluríkasta félagið
sem hér leikur," sagði Gordon Lee,
þjálfari þeirra KR-inga. „Vörn liðsins
er mjög kröftug og hreyfanleg. Það
eitt er víst að Valsmenn fá því ekki
fjölda marka á sig í sumar. Það lið
sem leggur Val getur rétt eins orðið
meistari, hreppi þeir Valsmenn ekki
bikarinn sjálfir."
Vörn Valsliðsins er firnasterk
„Valur er með mjög sterkt lið og ég
spái þeim sigri á íslandsmótinu í ár,“
segir Haukur Hafsteinsson, þjálfari
Víðis úr Garðinum. „Vörn liðsins er
firnasterk og leikmenn ráða yfir meiri
hraða en gerist hjá öðrum liðum í
deildinni. Það er bersýnilega mikil
stemmning í liðinu og mér segir svo
hugur að Valsmenn hafi ánægju af
því að leika knattspyrnu. Það ræður
vitanlega mestu.“
„Valur hefur á að skipa mjög
sterku liði. Vörnin þykir mér þó bera
af, hún er kletti líkust. Að mínum
dómi er Valur nægjanlega sterkt lið
til að spjara sig í Úrvalsdeildinni
skosku." Þetta sagði hinn geðþekki
þjálfari FH-inga, lan Flemming, er
hann var spurður álits á meistara-
flokksliði Vals. „Valur er að mínu
viti,“ hélt hann áfram, „eina íslenska
liðið sem staðist getur keppinauti
snúning á erlendum vettvangi.“