Almanak Ólafs S. Thorgeirssonar - 01.01.1935, Side 59

61
á þröngan, bugðóttan fjörðinn. Beint fyrir neðan
okkur, liinumegin fjarðarins, var Akureyii, með
timm eða sex skip framundan, lík hafnarborg á
smámynd; en öll var útsýnin slík, að henni verður
hvorki lýst með penna né litskúf”. Lýsing Reeves á
septemberkvöldi á Austfjörðum (Bskifirði) er rituð
í sama hrifningartón, og kveður hann dýrð þess
verða sér ógleymanlega. Stórfengleg og hrífandi
þótti honum einnig útsýnin úr Drangey yfir svip-
mikinn og sagnauðugan Skagafjörð. Reeves verður
í einu orði sagt, eins og fjölda annara erlendra
ferðamanna, tíðrætt um landslagsfegurð íslands og
telur það sæta furðu, hvílíka auðlegð hennar er þar
að finna á ekki stærra landrými. Einnig varð hann,
eigi síður en Fiske, hugfanginn af blómagnægðinni
hvarvetna á íslandi, en hennar mun hann síst hafa
átt von norður þar.
Á Akureyri dvöldu þeir félagar vikutíma í miklum
fagnaði, eins og svo góðum gestum sæmdi, en
héldu síðan áfram ferð sinni landveg til Reykjavík-
ur; komu þeir, sem áður, við á mörgum sögustöð-
um, Hólum í Hjaltadal, Flugumýri, Reykholti og
víðar. Reeves gerði einnig, eins og fyr er vikið af,
lykkju á leið sína út í Drangey, og þótti, það ferða-
lag borga sig með rentum, þó ekki væri uppgangan
á eyna sem greiðfærust.
Þeim Vestmönnum var tekið opnum örmum í
Reykjavík, eigi síður en á Akureyri og dvöldu þar
til ágústloka. (Smbr grein mína “Willard Fiske”, í
“Eimreiðinni”, XXXVII, 4. hefti, 1931, bls. 367—68.)
Þaðan fóru þeir kringum land með eimskipinu
“Díana” og komu aftur til Reykjavíkur innan hálfs
mánaðar, ferðuðust skömmu' síðar austur yfir fjall
til Þingvalla, Geysis og Heklu og komu einnig að
Hlíðarenda og Bergþórshvoli. Þótti Reeves þaðan
fagurt um að litast. Hurfu þeir þremenningarnir
(því að Carpenter var með í austurförinni) síðan
aftur til Reykjavíkur og héldu Reeves og Fiske
brott af íslandi upp úr miðjum október.
Ekki verður annað sagt, en Reeves beri íslend-