Muninn - 01.04.1966, Page 19

VELDU ÞER SEM VIN
ÞÁ STUND -
í morgunbjarma
er mildur fer blær á glugga
og styggjast draumar —
þá stund leitar hugurinn þín.
í dagsins raunum
og dynur á viðsjálum leiðum
en steinn undir fæti —
þá stund leitar hugurinn þín.
í kvöldsins húmi
sem kyrrlátt svífur á skóga
er stormana lægir —
þá stund leitar hugurinn þín.
I næturfriði
í nánd hins svalandi myrkurs
en stillt hnígur elfan —
þá stund leitar hugurinn þín.
G. St.
Veldu þér sem vin
vindinn sem blæs
en velur sér ekki stað
reikar um
eirir hvergi
löndum eyðir
en líknar öðrum
stundum heitur
stundum kaldur
alltaf nýr.
Veldu Jjér sem vin
lækinn sem rennur
um grösugar grundir
grænar af lífi.
Hann streymir áfram
nýtt og nýtt vatn
í sama farveg.
Veldu Jjér sem vin
nóttina sem læðist
á húsajjökum borganna
dægur eftir dægur
alltaf jafn dimm
en aldrei sama nóttin.
Gr. E.
MUNINN 127