Kirkjuritið - 01.12.1942, Side 58

Nóv.-Deii.
Fjögra alda minningarhátíð Guðbr. biskups
haldin á Hólum í Hjaltadal 1. nóv. 1942.
Hátiðin hófst með guðsþjónustu í Hóladómkirkju.
Þegar kl. var 1 e. m., var gengið í skrúðgöngu til dómkirkjunnar.
í skrúðgöngunni tóku þátt viðstaddir prestar og prófastur Skaga-
fjarðar, sýslumaður, alþingismenn héraðsins og viðstaddir safn-
aðarfulltrúar og sýslunefndarmenn. Þá hófst guðsþjónustan, þjón-
aði sóknarpresturinn, séra Björn Björnsson, fyrir altari, cn
prófastur sté í stólinn og lagði út af Mark 1.14.
Fyrir prédikun voru sungnir sálmarnir 420, 132 og 104.
A meðan á prédikuninni stóð, stóðu 2 menn heiðursvörð við
gröf Guðbrands biskups.
Eftir prédikun var sunginn sálmurinn 305.
Þá flutti sóknarpresturinn á Sauðárkróki, séra Helgi Konráðs-
son, mjög fróðlegt og snjalt erindi um Guðbrand biskup.
I lok erindis hans las prófastur upp eftirfarandi símskeyti frá
kirkjumálaráðherra: „Þakka þér boð til okkar hjónanna, að vera
viðstödd Guðbrandarhátíðina á Hólum. Því miður ekki hægt.
Berðu kæra kveðju og óskir, að Guðbrandur Hólabiskup, hinn
mikli höfðingi um þetta land, hinn mikilsvirki guðsorðselskari
og hinn auðmjúki Jesú Krists syndari, megi vera einn af þeim
hátindum Islands, er þjóð vor hefir að leiðarvísi á siglingunni um
hættusvæði nútímans. Gæti vor allra Guð“.
Þá las Eyþór Stefánsson, organisti á Sauðárkróki, upp hið
fagra kvæði Matthíasar — Guðbrandur Þorláksson, og vakti upp-
lestur hans óblandna hrifningu.
Síðast var sunginn sálmurinn 638, og stóðu allir á meðan.
Þá var gengið úr kirkjunni og sezt að kaffidrykkju, sem ríkis-
stjórn íslands og sýslunefnd Skagafjarðar stóðu í félagi að.
Kaffidrykkjan hófst með því, að prófastur bauð gestina vel-
komna f. h. ríkisstjórnarinnar og gaf síðan sýslumanni orðið.
Sýslumaðurinn ávarpaði síðan samkomugestina með snjallri
ræðu og í ræðulok bar hann fram áskorun til þingmanna Skag-
firðinga, um að þeír beittu sér fyrir því, að sérstakt dómkirkju-
prestsembætti yrði stofnað á Hólum. Var sú tillaga samþykt með
öllum greiddum atkvæðum.