Kirkjuritið - 01.12.1949, Blaðsíða 79

AUGNABLIKSMYNDIR FRÁ AMERÍKUFERÐ 331
ian science menn. Þó að margt sé sameiginlegt með þess-
um kirkjufélögum, þá fer hvert þeirra sína götu í ein-
stökum atriðum.
Bandaríkin eru sem kunnugt er samsett af einstökum
ríkjum eða fylkjum, og venjulega er svo háttað, að ein
kirkjudeild er sterkust í þessu og þessu fylkinu, t. d.
kaþólskir í einu, baptistar í öðru. o. s. frv.
Hvað er svo að segja um trúarlegan áhuga í Banda-
ríkjunum?
Bandaríkjamenn skiptast mjög í trúarefnum eins og
áður er sagt. Það er mikill fjöldi manna, sem ekki til-
heyra neinni kirkjudeild. Eru það ýmist menn, sem and-
stæðir eru trú og kirkju, og menn, sem lítinn eða engan
áhuga hafa fyrir andlegum efnum yfirleitt.
Sumir þessara utankirkjumanna í Ameríku minna oft á
áhugalitla íslenzka þjóðkirkjumenn, þeir eru ef til vill
undir niðri hlynntir kirkjunni og láta skíra börn sín og
greftra sina dánu, samkvæmt kirkjusiðum, en sækja
yfirleitt ekki kirkju og styrkja ekki kirkjulegt starf að
neinu ráði.
Þá eru svo kirkjumennirnir, sem eins og áður er sagt
skiptast mjög í ólík kirkjufélög. Það er þetta fólk, sem
heldur uppi kirkjulífinu, oft af brennandi áhuga og fórn-
fýsi og hefir með höndum margvísleg störf, sem margir
njóta góðs af, langt út fyrir takmörk hinna einstöku
kirkjufélaga.
Þar sem ríkisvaldið styður ekki kirkjurnar fjárhagslega,
verður fólkið sjálft að kosta allt sitt kristnihald og tekur
oft á sig miklar fjárhagslegar byrðar, fyrir utan margs-
konar vinnu í þjónustu safnaðanna.
Frá sjónarmiði okkar Islendinga, sem erum vanir að
ríkið styðji kirkjuna og ákveði kirkjugjöld með lögum,
eru allar fjársafnanir til kirkju og trúmála fremur ógeð-
felldar. í Bandaríkjunum þykja slíkar fjársafnanir sjálf-
sagðar og eðlilegar, og verða að vera, ef halda á uppi
kirkjulífi á annað borð. I hverri einustu guðsþjónustu eru