Kirkjuritið - 01.12.1949, Síða 109

SAFNAÐARBLÖÐ
359
þeir flestir að tölu. Margir prestar hafa sent honum ágætt
efni. Safnaðarblöðin þurfa að verða fleiri. Nokkrar kvik-
myndavélar hafa þegar komizt í eigu safnaða og virðist
vera talsverður áhugi fyrir því hjá mörgum prestum að
eignast þær. En væri ekki eins heppilegt að útvega fleiri
ritvélar og fjölritara handa prestunum? Hugleiðið þetta,
stéttarbræður. Þetta mál má þó ekki verða hugleiðingar
einar. Vér þurfum fleiri safnaðarblöð.).
Jón Kr. Isféld.
Ritstj. Kirkjuritsins mælir hið bezta með þessari eggjan.
Safnaðarblöðin fara myndarlega af stað. Kirkjuráð hefir veitt
Geisla styrk í eitt skifti, í viðurkenningarskyni.
„ALMENNUR KIRKJUFUNDUR,"
ef svo má að orði kveða, var haldinn í Reykjavík 30. okt.—
1. nóv. Úr meira en helmingi prófastsdæma landsins sendu
leikmenn enga fulltrúa, og aðeins lítið brot af prestum lands-
ins kom á fundinn, að því er Kirkjublaðið skýrir frá 14. nóv.
Miðað við almenna kirkjufundinn fyrir 2 árum mátti finna
nokkra framför hjá þeim mönnum, sem réðu á fundinum nú.
Þeir sáu, að það myndi ótækt framvegis að bola biskupi frá
öllum undirbúningi þessara funda, og leituðu því ásjár hans
í undirbúningsnefnd. Og samþykkt Ágsborgarjátningar um-
svifalaust og umræðulítið eða umræðulaust var nú ekki lengur
talin lífsnauðsyn, heldur hvergi nefnd á nafn. Að vísu fletti
það ofan af litlum heilindum og daufum friðarvilja 1947. En
betra er að standa berskjaldaður fyrir heldur en blákalt ætla
að berja fram það, sem ekki hæfir. Þótt batinn komi hægt, þá
er það alltaf huggun, að: Batnandi er manni bezt að lifa.
Látnar prestsekkjur.
Frú Jóhanna Pálsdóttir, ekkja séra Jóns Árnasonar á Bíldu-
dal andaðist hér í bænum 83 ára að aldri.
Frú Sigríður Hansdóttir Beck, ekkja séra Jóns Finnssonar
á Djúpavogi, lézt 25. sept. 77 ára gömul.
Frú Björg Einarsdóttir, ekkja séra Bjarnar Þorlákssonar
að Dvergasteini, andaðist 28. sept, 76 ára að aldri.