Kirkjuritið - 01.12.1950, Blaðsíða 78

Séra Hermann Hjartarson skólastjóri.
Hinn 12. september s.l. lézt á
Landsspítalanum séra Hermann
Hjartarson, skólastjóri héraðs-
skólans á Laugum, áður sóknar-
prestur að Skútustöðum. Bana-
mein hans var heilablæðing, er
fyrst varð vart nálega tveim
mánuðum áður en hann féll frá.
Séra Hermann var fæddur að
Flautafelli í Þistilfirði hinn 21.
marz 1887, sonur hjónanna
Hjartar Þorkelssonar hreppstj.
og Ingunnar Jónsdóttur. Þau
fluttust síðar að Álandi í Þistil-
firði, og þar ólst Hermann upp. Stúdentsprófi við Mennta-
skólann í Reykjavík lauk hann 1912, en guðfræðiprófi
1915. Vígðist samsumars aðstoðarprestur til séra Jóns
Halldórssonar á Sauðanesi, en vorið 1916 var hann kjör-
inn prestur í Mývatnsþingum, og fluttist að SkútustÖðum
það sama vor. Því prestakalli þjónaði hann til vordaga
1944, að því fráskildu, að 1924 hlaut hann veitingu fyrir
Laufásprestakalli, og fluttist þá þangað. Fyrir eindregin
tilmæli fyrri sóknarbarna sagði hann því brauði lausu
að ári liðnu, og fékk veitingu fyrir Skútustöðum á ný,
en um það brauð hafði enginn prestur sótt frá því hann
fór. Talið var að því tilefni, að frá því kirkja var reist
í Laufási hefði enginn prestur sótt þaðan burtu áður,
enda var Laufás jafnan talinn með beztu brauðum lands-
ins.
Séra Hermann Hjartarson.