Kirkjuritið - 01.05.1957, Blaðsíða 20

210
KIRKJU'RITIÐ
Má gera ráð fyrir, að þetta fordæmi séra JónsThorarensen
þýði, að sú kvöð fylgi prestsembættinu, að aðrir prestar geri
slíkt hið sama.
Rúmmál kirkjunnar í heild er 6663 rúmmetrar, þar af full-
gert 5454 rúmmetrar, en ófullgert 1209 rúmm.
Nákvæmar tölur um kostnaðarverð kirkjunnar liggja ekki
fyrir, því vinnu er ekki lokið og margt óuppgert, en ljóst er þó,
að kostnaðarverð hennar í dag losar 5 milljónir með öllu til-
heyrandi. Sú upphæð skiptist þannig:
Húsverð ca. 4,2 milljónir, en annað rúmar 800 þúsundir.
Byggingarkostnaðurinn hefir því reynzt tæpar 700.00 kr. á
rúmm. í fullgerðu og um 350.00 í ófullgerðu.
Sé hins vegar bætt við byggingarkostnaðinn innbúi og á-
höldum, það er orgeli, sætum, kirkjuklukkum, teppum, altari,
prédikunarstól o. fl., verður kostnaðurinn í fullgerðu rúmar
kr. 830.00 á rúmm. Er það lítið hærra en áætlað var 1952, þótt
byggingarkostnaður síðan hafi hækkað mjög.
Af heildarkostnaðinum hefir framlag úr kirkjubyggingarsjóði
Reykjavíkur numið 46%. Hinn hlutinn, rúmar kr. 2.700.000 er
framlag frá Nessöfnuði og skuldir, sem hann er ábyrgur fyrir.
Þessi kirkja er byggð í talsvert öðrum stíl en aðrar kirkjur
hér á landi. Nefna vil ég eitt atriði. Til þessa hefir þótt bezt
við eiga í kirkjum hér, að kirkjugestir heyrðu sönginn og arg-
elhljóminn á bakvið sig. í þessari kirkju sjá menn þetta um
leið og þeir heyra, því að orgel og söngpallur er við hliðina
á kórnum.
Ég nefni ekki fleira, en veit, að skoðanir manna eru skiptar
um flestar breytingar frá eldri kirkjustíl. En hvort er hyggi-
legra, að fresta dómum, en kveða upp fordóma? Sé hið fyrra
réttara, er bezt að láta þá, sem á eftir okkur koma gegna
dómarastarfinu í þessu efni......
Fjársöfnunarnefndir hafa starfað í söfnuðinum s. 1. 16 ár
og ávallt með nokkrum árangri.
Margir hafa á sama tíma átt sæti í sóknarnefnd og bygginga-
nefnd og því ýmist unnið að undirbúningi eða tekið þátt í fram-
kvæmdum við byggingu þessa húss.