Kirkjuritið - 01.05.1957, Blaðsíða 48
238
KIRKJUÍUTIÐ
lampar eru 6, og einnig leitt í fagra ljósakrónu, 12 kerta, er Ólafur
kristniboði Ólafsson hafði gefið kirkjunni fyrir alllöngu. Rafmagnið er
frá dieselvél þar á staðnum, leitt með jarðstreng til kirkjunnar. Er hér
um að ræða hina ágætustu framkvæmd, sem mjög ber að þakka. — B. B.
Safnaðarblað Bústaðasóknar kom út í fyrsta sinni rétt fyrir páska.
Tilefnið m. a. að söfnuðinum hefir \rerið úthlutað fagurri kirkjulóð á
hentugum stað. Húsameistari ríkisins vinnur að teikningu kirkjunnar,
sem ætlað er að verði ekki stór en hentug.
Lindin. tímarit Prestafélags Vestfjarða, er nýkomin út. Verður hennar
nánar getið síðar.
Verður biskupsstóllinn endurreistur í Skálholti? Átta þingm.
úr öllum þingflokkunum flytja nú þingsályktunartillögu um það að bisk-
up íslands skuli hafa aðsetur i Skálholti. Flutningsmenn eru séra Svein-
björn Högnason, Gísli Guðmundsson, Friðjón Skarphéðinsson, Gunnar
Jóhannsson, Sigurður Ó. Ólafsson, séra Gunnar Gíslason og Ágúst Þor-
valdsson.
Frumvarp til laga um kirkjuþing var samþykkt sem lög frá Al-
þingi 21. maí. Er með því náð marki, sem vinir kirkjunnar hafa lengi
þráð.
Æskulýðsdagur. Eins og að undanfömu liöfðu nokkrir prestar sam-
tök sín á milli um sérstakan messudag fyrir ungt fólk. — Að þessu sinni
var hann sunnudaginn 24. marz, og komu þá forráðamenn skólanna með
nemnendur sína í kirkju víða á landinu. — Einnig vom slíkar messur
næstu sunnudaga á eftir á nokkmm stöðum. — Messumar vom fluttar
á Patreksfirði, Bíldudal, Hólmavik, Löngumýrarskóla, Skagafirði, Hofsós,
Siglufirði, Dalvík, Möðmvöllum í Hörgárdal, Akureyri, Laugaskóla S.-
Þing. — Húsavík, öllum prestaköllum Suður-Múlaprófastsdæmis og e. t. v.
á fleiri stöðum. — Séra Sigurður Stefánsson prófastur prédikaði á Akur-
eyri og flutti ámaðaróskir biskupsins. Hin aukna sókn þennan dag sýnir
vaxandi áhuga á kirkjulegu starfi fyrir æskulýðinn. P. S.
íslenzkur prestur flytur erindi í sjónvarp. Séra Sigurður Norland
í Ilindisvík flutti mjög fróðlegt og áheyrilegt erindi í sjónvarp á Kefla-
víkurflugvelli sunnudaginn 28. apríl. Erindið var flutt á ensku og fjallaði
um skáldskap íslendinga. Mun séra S. N. hér brautryðjandi.