Kirkjuritið - 01.05.1957, Blaðsíða 35

HOLTASTAÐAKIRKJA
225
Hinar grafskriftimar eru töluvert yngri, og tvær af þeim eru ekki
með ártölum, en má þó ráða, hverjum þær tilheyra.
13. Kirkja þessi kostaði upphaflega kr. 4.748.46, og var það rnikið fé
á þeim tíma. Svo kom málning o. fl. kr. 343.62. 1903 er sett jám
á þakið, það kostaði kr. 261.31. 1920 var settur ofn og steypt múr-
pipa kr. 360.00. 1929 var kirkjan svo alveg jámklædd utan, endur-
nýjaður pappi, steyptar tröppur o. fl. kr. 1.554.42. — Alls hefir þá
kirkjan kostað kr. 7. 267.81. — Fyrir utan orgelið og alla muni úr
gömlu kirkjunni, sem nú mundu kosta stórfé. Þess utan hafa kirkj-
unni verið gefnir ýmsir munir, fyrir utan þá sem áður eru taldir,
svo sem: Númeratafla mjög smekkleg gefin af kirkjusmiðnum
Þorsteinn Sigurðssyni, íslenzki fáninn gefinn af séra Gunnari Ama-
syni, og olíuofn gefinn af Sigurði bónda Þorbjörnssyni.
Það má vel minnast kirkjunnar, því að engin stofnun í þjóðfé-
laginu hefir haft önnur eins áhrif. í kirkjunni hafa farið fram
skírnir, fermingar og giftingar. Hér hafa feður og mæður beðið
fyrir börnum sínum við þau tækifæri, og enginn veit, hver áhrif
það hefir haft. Hér hafa við jarðarfarir verið sögð mörg hugg-
unar orð og hugunum lyft út yfir gröf og dauða. Þess utan eru
allar þær guðræknisstundir, sem átt hafa sér stað við messu-
gjörðir. Við höfum verið svo heppnir, að hafa haft marga
úrvals presta, svo að ég veit að messugjörðir í Holtastaðakirkju
— þau 60 ár sem hún hefir staðið — hafa haft mikil og góð
áhrif, sem við megum vera þákklát fyrir.
Ég enda svo þetta erindi með því að óska þess, að þessi
kirkja megi enn þá standa mörg ár, og halda áfram að hafa
sín miklu og góðu menningaráhrif, eins og hún hefur ávallt
haft.
JÓNATAN J. LÍNDAL.
Ungur maður kleif háan fjallstind. Þegar hann steig fæti á toppinn,
lioppaði hann upp sigri hrósandi. Leiðsögumaðurinn kippti í hann og
sagði aðvarandi: „Stormurinn feykir yður um koll. A þessum kletti stand-
ið þér aðeins á hnjánum."
15