Kirkjuritið - 01.10.1959, Blaðsíða 5

Æfiágrip (Vita)
Sigurðar vígslubiskups Stefánssonar, lesið upp við vígslu
hans í Hóladómkirkju 14 sd. e. trin., 30. ágúst, 1959,
þegar herra Sigurbjörn Einarsson biskup vígði hann
til vígslubiskups í hinu forna Hólastifti.
Ég, Sigurður Stefánsson, er fæddur 10. nóv. 1903 á Bjargi við
Skerjafjörð, og voru foreldrar mínir hjónin Stefán Hannesson,
ættaður af Hvalfjarðarströnd, og Guðrún Matthíasdóttir frá
Fossá í Kjós.
Þau hófu búskap á Þrándarstöðum í Brynjudal, en fluttust
suður skömmu fyrir aldamót, og stundaði faðir minn úr því
jöfnum höndum sjó og landbúnaðarstörf.
Við vorum átta systkinin, fjórir bræður og fjórar systur, en
tvær þeirra dóu ungar. Ég var allmiklu yngstur systkinanna,
og voru þau flest farin úr foreldrahúsum, þegar ég man fyrst
eftir.
í uppvextinum naut ég því fremur lítið samfylgdar þeirra og
eigi heldur föður míns, en móður minnar því lengur og betur.
Var ég löngum einn með henni á barnsárunum og fylgdi henni
fast eftir, bæði úti og inni. Fyrstu minningar mínar eru því
bundnar við hana, umhyggju hennar og ástúð, og hið fagra og
friðsæla umhverfi þessara ára, sem mér finnst, að æ og ætíð
hafi ljómað af vori og sól.
Frá þeim tíma á ég líka mínar fyrstu hugmyndir um Guð og
handleiðslu hans. Vafalaust hafa þar ráðið mestu áhrifin frá
móður minni, sem var einlæg trúkona, og leiddi mig þegar í
frumbernsku inn í heim bænarinnar og hins barnsglaða trún-
aðartrausts.
Varð það þá mjög snemma, að ég hét því með sjálfum mér
að verða prestur, ef fram mætti koma, og breyttist sú ákvörð-
un aldrei síðan.