Nýjar kvöldvökur - 01.01.1955, Page 56

48
PITCAIRN-EYJAN
N. Kv.
okkur ljóst, að við megum þakka guði fyrir
— að það er ekki minna. Eg gæti þegið að
fá minn skammt núna á stundinni.
— Hvað munduð þið segja við því, fé-
lagar, að fá að hálfri stundu liðinni vín,
sem er betra en þessi venjulegi skammtur?
spurði Martin. Mc Coy leit snöggt við.
— Hvað segir þú Isaac? Hvaðan getum
við fengið það, þegar rommið er í tjaldi
Christians?
— Þið viljið vitanlega fá romm, spurði
Martin og brosti ertnislega. Þið kærið
ykkur auðvitað ekki um koniak? Og þar að
auki reglulega gott gamalt koníak.
— Hvers konar þvættingur er þetta, mað-
ur, kvað við í Mills. — Þarftu endilega að
tala undir rós. Það er ekkert koniak í birgð-
um skipsins.
— Hef ég sagt að það væri í birgðunum?
— Þegiðu Isaac. Nema þú hafir stolið
því úr meðalaskápnum.
— Það hef eg ekki gert. Eg skal segja
ykkur hvernig þessu er varið félagar, hélt
hann áfram, liallaði sér fram og lagði oln-
bogana á hnén. Fyrir nokkrum dögum, þeg-
ar við vorum að taka birgðirnar úr káet-
unni, fann eg átta flöskur af koníaki undir
hvílu Tréfótar gamla. Þær lágu þar í lérefts-
poka. Svo hugsaði ég með mér. Fyrst þú
fannst þær, þá hlýtur þú líka að eiga þær,
Isaac Martin. Þær voru ekki í birgðum
skipsins og voru því eign þess, sem fann
þær, — og eg faldi þær, og eftir að við
vorum komnir í land, fann eg ágætan felu-
stað fyrir þær. En eg vil ekki fara á bak við
ykkur með þetta. Það munið þið viður-
kenna, þar sem eg hef sagt ykkur frá þessu,
þó að eg væri ekki neyddur til þess.
— Það er satt. Guð blessi þig, sagði Mc
Coy. — Ef eg hefði fundið þær, efast cg
um, að eg hefði verið svona eðallyndur.
Eg hefði sennilega drukkið allt sjálfur.
— Það hefðir þú gert Will, sagði Mills.
— Þú hefur marga kosti, en að skipta því
sem heitir áfengi er ekki einn þeirra. Hvar
er koníakið, Isaac?
Við gengum fram hjá staðnum á leið-
inni hingað; hann er nokkurn spöl frá hús-
unum. Við getum fundið einhvern stað þar,
sem vel fer um okkur og drukkið þar, án
þess að hinir viti nokkuð um það. Hvað
segir þú um það Alex? Á eg að telja það
með birgðum skipsins.
— Það er engin ástæða til þess, greip
Mc Coy fram í.
Framh.
Til kanpenda ogr úlsiölnmaiiiia!
Vegna ýmissa orsaka hefur útgáfa þessa árg. N. Kv. dregist meira en að
venju. Enn hefur útgáfukostnaður stigið um 16%, og þar sem kaupendum hefur
ekki fjölgað, verður að hækka verð þessa árg. í kr. 40,00. En jafnframt verður
árg. stœkkaður um tvœr arkir, svo að verðhækkun ritsins nemur ekki því, er út-
gáfukostnaður hefur aukist.
Eg vil leyfa mér að skora á alla útsölumenn og velunnara N. Kv., að útvega
nýja kaupendur, svo að útgáfa ritsins beri sig fjárhagslega.
Með kveðju.
ÞORSTEINN M. JÓNSSON.