Sjómannadagsblaðið - 03.06.1962, Page 55

Næsti formaður var Kristján H.
Jónsson, en við tók af honum Maríus
Þ. Guðmundsson, sem hafði það starf
lengst allra.
Núverandi formaður ráðsins er
Jón H. Guðmundsson.
Af öðrum mönnum, sem starfað
hafa bæði vel og lengi í Sjómanna-
dagsráði má nefna Kristján Krist-
jánsson, Símon Helgason, Sigurgeir
Sigurðsson, Guðmund Bárðarson,
Helga Þorbergsson og Jón B. Jóns-
son.
Sæfari sæmdur riddarakrossi.
Kristján Kristjánsson, fyrrverandi
hafnsögumaður á Isafirði, var á síð-
asta vetri sæmdur riddarakrossi
Fálkaorðunnar fyrir störf sín í þágu
slysavarnanna.
Þeir mörgu landsmenn, sem
þekkja Kristján og þessi störf hans,
munu allir sammála um, að honum
hafi þar verið sýndur verðskuldaður
heiður.
Málefni slysavarnanna hafa frá
fyrstu tíð verið honum hjartfólgið
áhugamál, sem hann um langan ald-
ur hefur barizt fyrir með þeirri ósér-
plægni og einlægni, er einkennt hafa
öll störf hans, fyrr og síðar.
Góð mál og gagnleg hafa ætíð not-
ið ómetanlegrar liðveizlu hans, og
enn eiga þau hug og hjarta þessa
silfurhærða öldungs.
Kristján Kristjánsson var fæddur
í Önundarfirði 5. júlí 1883.
Barn að aldri missti hann móður
sína og var að mestu leyti hjá vanda-
lausum eftir það, — og fátæktinni
kynntist hann einnig í æsku sam-
hliða sorginni.
Þessi reynsla önfirzka drengsins
hefur að sjálfsögðu mótað hann, —
en ekki markað. Hann er alltaf glað-
ur og reifur, og notalega hlýju og
bróðurþel á hann í ríkum mæli, —
og samúð hans með öllum, sem
eiga bágt eða orðið hafa fyrir áfalli
í lífinu, er djúp og sönn, énda hefur
hann mörgum rétt hjálpandi vinar-
hönd um dagana.
Ungur að árum lagði Kristján
leið sína á sjóinn, og þar ól hann
allan sinn starfsaldur með heiðri og
sóma.
Snemma gerðist hann mótorvél-
stjóri, og er hann einn sá fyrsti í
þeirri stétt sjómennskunnar á Is-
Kristján Kristjánsson,
fyrrv. hafnsögumaður.
landi. Síðar á ævinni var hann skip-
stjóri, en síðast hafnsögumaður á
ísafirði um 14 ára skeið.
Öll þessi störf hafa farið honum
prýðisvel úr hendi. Hann hefur al-
drei kastað til þeirra höndunum, en
rækt þau af alúð og trúmennsku.
Hann hefur aldrei staðið hálfur að
verki, heldur heill og traustur, eins
og vestfirsku björgin.
Málefni sjómannastéttarinnar hafa
verið honum hugleikin frá fyrstu
tíð, og þau hefur hann stutt með
ráðum og dáð.
Hann er einn af stofnendum Sjó-
mannafélags Isfirðinga, og þar hef-
ur hann haft á hendi margvísleg
trúnaðarstörf. Sjómannafélagið gerði
hann að heiðursfélaga sínum á 30
ára afmæli sínu.
Þá var hann ennfremur einn af
stofnendum Skipstjóra- og stýri-
mannafélagsins „Bylgjunnar ‘ á Isa-
firði.
I Sjómannadagsráði á Isafirði hef-
ur hann starfað allra manna lengst,
og þar taldi hann ekki á sig sporin,
fremur en annars staðar, —síhug-
andi að ýmsum eignum dagsins, svo
sem kappróðrabátum og öðru hon-
um tilheyrandi.
Árið 1947 hlaut hann heiðurs-
merki Sjómannadagsins, og var hann
fyrir fjölmargra hluta sakir vel að
þeim heiðri kominn.
Sjómannadagurinn á Isafirði
þakkar Kristjáni Kristjánssyni lang-
an og farsælan starfsdag og óskar
honum innilega til hamingju með
heiðursmerki íslenzka ríkisins, sem
hann hefur hlotið fyrir drengilega
liðveizlu við göfug málefni slysa-
varnanna. Og þá hefur Kristján ef
til vill glaðastur gengið að verki,
þegar hann tók þátt í að bægja slys-
um og sorgum frá dyrum þjóðar
sinnar.
Jón H. Guðmundsson.
S j ómannadagurinn
á Bolungarvík
Sjómannadagurinn var fyrst hald-
inn hátíðlegur í Bolungarvík 29.
maí 1939, er var 2. dagur hvítasunnu.
Vafalaust hefur það fljótlega kom-
ið til tals að halda hér hátíðlegan
sjómannadag, eftir að sá siður var
upp tekinn Sunnanlands og víðar,
— og árið 1938 komu 12 bolvískir
sjómenn saman á heimili Gísla
Hjaltasonar til þess að ræða um
stofnun Sjómannadags. Var þar ein-
róma samþykkt að vinna að því að
halda hátíðlegan sjómannadag á
komandi vori.
Þeir sem frumkvæðið áttu að þess-
um fundi, voru Kristján Þ. Krist-
jánsson og Óskar Halldórsson, en
auk þeirra mættu á þessum fyrsta
Sjómannadagsfundi í Bolungarvík
eftirtaldir sjómenn: Gísli Hjaltason,
Gísli Kristjánsson, Sigurður E. Frið-
riksson, Finnbogi Bernódusson,
Bjarni H. Jónsson, Jón Kr. Guðna-
son, Ólafur Pétursson, Guðmundur
Halldórsson, Jón Thímótheusson og
Salomon Kristjánsson.
Komu þeir tólfmenningarnir sér
saman um að vinna allir í samein-
ingu að undirbúningi hátíðahaldanna
og kusu Gísla Hjaltason formann
nefndarinnar. Héldu þeir með sér
nokkra fundi, og um vorið, 29. maí,
var fyrsti Sjómannadagurinn í Bol-
ungarvík hátíðlegur haldinn, svo
sem fyrr segir.
Þessi fyrsti Sjómannadagur Bol-
víkinga hófst með því, að sjómenn
gengu fylktu liði til Hólskirkju og
hlýddu á prédikun hjá sóknarprest-
inum, síra Páli Sigurðssyni. Var síð-
an aftur gengið fylktu liði frá kirkju,
en um kvöldið var skemmtun í
IOGT-húsinu. Skemmtunina setti
Finnbogi Bernódusson og Karlakór
Bolungarvíkur söng undir stjórn sr.
SJÓMANNADAGSBLAÐIÐ 61